اسلام آباد۔3جنوری (اے پی پی): پاکستان ءَ ترکی ءِ سفیر عرفان نظیر اوگلو ءَ پاکستان ءِ دانشورانہ ملکیت ءِ تر ءُ تاب کتگ۔ آئی پی او ءِ برجاھیں جار ءِ رد ءَ جمعہ ءِ روچ ءَ پاکستان ءَ ترکی ءِ سفیر عرفان نذیر اوگلو ءَ اسلام آباد ءَ آئی پی او پاکستان ءِ ہیڈ آفس ءِ تر ءُ تاب کتگ۔ ترکی ءِ سفیر ءَ را چیئرپرسن سفیر (ریٹائرڈ) فرخ امل ءُ ڈائریکٹر جنرل شازیہ عدنان ءَ وش اتک کت۔ گند ءُ نند ءَ ترکی ءِ سفیر ءُ آئی پی او پاکستان ءِ کارندہ آں دوئیں ملک آنی تہ ءَ اقتصادی دیمروئی ءُ دیمروئی ءَ را دیم ءَ برگ ءَ دانشورانہ ملکیت ءِ ارزشت ءِ سر ءَ گپ ءُ تران کت۔ آہاں اے گپ ءِ سرا تپاک کت کہ دانشورانہ ملکیت دوئیں ملک آنی اقتصادی دیمروئی ءِ ھاتر ءَ المی انت ءُ آہاں تعاون ءِ ممکنہ شعبہ آنی سرا تران کت کہ ایشی ءِ تہا ٹریڈ مارک، پیٹنٹ ءُ کاپی رائٹ ءِ حفاظت ھوار انت۔ سفیر عرفان نظیر ءَ دانشورانہ ملکیت ءِ حق آنی دیمروئی ءُ کاروبار ءِ واستہ سازگاریں چاگرد ءِ جوڑ کنگ ءِ واستہ دوئیں ملک آنی یکجائی ءَ کار کنگ ءِ ضلورت ءِ سر ءَ زور پر دات۔ آئی ءَ گوشت کہ اے تر ءُ تاب پاکستان ءُ ترکی ءِ سیادی ءَ را گیش مھکم کنگ ءِ واستہ ھاسیں گامگیج انت، دوئیں ملک آنی جتاجتائیں پڑ آنی تہ ءَ کمک ءِ یک دراجیں راجدپتر ءِ واھند انت ءُ اے تر ءُ تاب دوئیں ملک آنی نیام ءَ گیش بوھوکیں سیادی ءِ ثبوت انت۔ آئی پی او پاکستان ءِ حکام ءَ ترکی ءِ سفیر ءَ را پاکستان ءَ دانشورانہ ملکیت ءِ ھک آنی دیمروئی ءِ واستہ تنظیم ءِ گامگیج آنی بابت ءَ سرپدی دات ایشی ءِ تہ ءَ سرپدی ءِ تہ ءَ گیشی، تربیت ءُ صلاحیت سازی ءِ پروگرام آنی پھجارینگ ءُ دانشورانہ ملکیت ءِ ھک آنی رجسٹریشن ءِ تہ ءَ آسراتی ءِ واستہ کوشست ھوار اَنت۔ سفیر ءَ آئی پی او پاکستان ءِ کوشست آناں ساڑات ءُ دوئیں ملک آنی نیام ءَ وت مہ وتی کمک ءَ را گیش مھکم کنگ ءِ جزم ءِ درشان کت۔
