اسلام آباد۔2جنوری (اے پی پی): اسلام آباد ءَ سرینا چوک انٹرچینج منصوبگ ءِ سر ءَ کار ترندی ءَ گوں دیم ءَ روگ ءَ انت کہ ایشی ءِ تہ ءَ سئے انڈر پاس ھوار انت۔ بنجاھی وزیر داخلہ محسن نقوی ءَ منصوبگ ءِ تر ءُ تاب کتگ ءُ ڈیڈ لائن ءِ تہا کار سرجم کنگ ءِ پنت ءُ شون کتگ محسن نقوی ءَ منصوبگ ءِ زیبائی ءِ منصوبہ ءِ سرا چار ءُ تپاسی کتگ ءُ زیبائی ءِ منصوبہ ءِ منظوری داتگ۔ آئی ءَ گوشت کہ انڈر پاس آیوکیں پنچ روچ آنی تہ ءَ سرجم بیت، بلے ٹریفک ءِ واستہ پچ کنگ ءَ پیسر ڈرین ءِ کار سرجم کنگ المی اِنت آئی ءَ سیادی داروکیں واکدار آناں پنت ءُ شون کت کہ آ زوت ڈرین ءِ کار ءَ را سرجم بہ کن اَنت ءُ گوشت کہ منصوبگ ءِ واستہ درستیں المی وسیلگ آناں کارمرد کنگ بہ بیت۔ بروقت سرجم کنگ ءِ ھاترا۔ محسن نقوی ءَ گوشت کہ اگاں چہ کار ءِ بندات ءَ دہ روچ ءِ تاخیر بوتگ بلے داتگیں بریفنگ ءِ سرجمیں توانائی آناں کارمرد کنان ءَ منصوبگ ءِ ٹھینگ بوتگیں وھد ءِ تہ ءَ سرجم کنگ بیت۔ وزیر داخلہ ءَ منصوبگ ءِ کش ءُ گور ءِ درچک ءُ دار آنی رکھینگ ءُ جوانیں ڈیکوریشن ءَ را دل یکیمی کنگ ءِ پرمان ھم داتگ سرینا چوک انٹرچینج پروجیکٹ اسلام آباد ءِ شہری آنی واستہ یک ھاسیں فلاحی گامگیج اِنت کہ ایشی ءَ چہ شہر ءِ ٹریفک ءِ جیڈھ آنی گیواری ءَ کمک رسیت۔
