اسلام آباد۔2جنوری (اے پی پی): وفاقی وزیر برائے مالیات ءُ آمدنی سر محمد اورنگزیب ءَ آمدنی، سرمایہ کاری ءُ تجارتی پروگرام ءِ سٹیئرنگ کمیٹی ءِ اولی دیوان ءِ سروکی کت۔ دیوان ءِ مول ءُ مراد کمیشن ءِ گوستگیں دیوان آنی تہ ءَ چست کتگیں جیڈھ آنی سر ءَ عمل درآمد ءِ سر ءَ چار ءُ تپاسی کنگ بوتگ کہ آ آمدنی ءِ تہ ءَ گیشی، سرمایہ کاری ءِ ماحول، تجارت ءُ سرجمیں وشھالی ءِ ھوالگ ءَ اَنت۔ پاکستان ءِ واستہ برطانوی ہائی کمشنر جانا موریئٹ، وزارت منصوبہ بندی، وزارت خزانہ، وزارت تجارت، وزارت صنعت ءُ پیداوار، سرمایہ کاری ءِ بورڈ، ایف بی آر ءُ ریٹ، ورلڈ بینک ءِ نفاذ ءِ شریک، جی سی ایس آئی ءُ اے دیوان ءِ تہ ءَ ایس آئی ءِ مزنیں کارندہ آں بھر زوری کتگ دیوان ءِ تہ ءَ شریک آنی نیمگ ءَ چہ ھاسیں رنگ ءَ اقتصادی استحکام ءِ مھکم کنگ ءِ واستہ کتگیں پیشرفت ءُ پائیدار ءُ جامع دیمروئی ءِ ھاتر ءَ موزوں جاور ھال جوڑ کنگ ءِ سر ءَ دلگوشی دیگ بوتگ ءُ اے درگت ءَ ھاسیں جیڈھ آنی سر ءَ گپ ءُ تران کنگ بوتگ دیوان ءَ آمدنی ءِ تہ ءَ گیشی ، تجارت ءُ سرمایہ کاری ءِ چاگرد ءُ اقتصادی حکومت داری ءِ تہ ءَ گیشی ءُ موسمیاتی بدلی ءِ چیلنج آناں گوں گر ءُ چیل بوھگ ءِ سر ءَ دلگوشی دیگ بوتگ۔ پروگرام ءِ سر ءَ وزیر ءِ ھزانگ ءَ نفاذ کنوکیں شریک آنی نیام ءَ گیش متحرک ءُ یکجاھیں کمک ءِ ضلورت ءِ سر ءَ زور پر دات۔ آئی ءَ پروگرام ءِ مول ءُ مراد آنی سرجمی ءِ گوما یکوئی ءَ را دل یکیمی کنگ ءِ واستہ انتظامی ءُ نگرانی ءِ وسیلگ آناں جوانیں رنگ ءَ کارمرد کنگ ءِ ہدایت کت۔ وزیر ءِ ھزانگ ءَ پروگرام ءِ چست ءُ ایر ءُ مول ءُ مراد آنی سر ءَ نگرانی ءِ واستہ وتی ذاتی جزم ءِ درشان کت ءُ گوشت کہ پروگرام ءَ را رھبند ءِ سر ءَ دارگ ءِ واستہ سرجمی ءَ جزم اِنت۔
