اسلام آباد۔1جنوری (اے پی پی): حال ءُ اھیوال کاریءُ شنگکاری ءِ بنجاہی وزیر عطاءاللہ تارڑ ءَ کشمیر جرنلسٹس فورم ءِ نوک گچین بوتگیں عہدگ داراناں مراد بات داتگءُ گشتگ کہ کشمیر جرنلسٹس فورم کشمیر ءِ اُلسءِ محکمیں توار اِت، تحریک آزادی کشمیر، آزاد کشمیرءِ سیاست ءُ اُلسی جیڑہءُ جنجالاناں پدر کنگءَ کشمیر جرنلسٹس فورمءِ حاسیں کردے بوتگ۔ چارشمبے ءِ روچءَ وتی کلوہ ءِ تہا حالءُ اھیوال کاری ءِ بنجاہی وزیر ءَ عرفان سدوزئی ءَ را کشمیر فورم ءِ صدر ءُ مقصود منتظر ءَ را سیکرٹری گچین بوھگءِ مراد بات داتگ۔ آئیءَ گشتگ کہ عرفان سدوزئی ءُ مقصود منتظر ءِ سروکی ءَ فورم باز دیمروئی کنت۔ بنجاہی وزیرءَ کشمیر جرنلسٹس فورم ءِ نوک گچین بوتگیں عہدگ دارانی حاترءَ نوکیں واھگانی درشانی کتگ۔
