یک راجے ءِ بستار ءَ یکوئی مئے مستریں طاقت اِنت، وھد اتکگ کہ گوستگیں ردی آں چہ دربرگ ءُ وتی شعار چیئرمین سینیٹ سیدیوسف رضا گیلانی

اسلام آباد۔1جنوری (اے پی پی):سینیٹ ءِ چیئرمین سیدیوسف رضا گیلانی ءَ گوشت کہ یک راجی ءِ بستار ءَ مئے یکجائی مئے مستریں طاقت انت وھد اتکگ کہ ما گوست ءِ ردی آں چہ دربرگ ءُ وتی شعار ءَ ٹھینگ بہ کنیں۔ چار شمبے ءِ روچ ءَ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ نوکیں سال ءِ موہ ءَ راج ءَ را وتی کلوہ ءِ تہ ءَ سینیٹ ءِ چیئرمین ءَ گوشت کہ نوکیں سال مدام نوکیں اُمیت، عزائم ءُ مول ءُ مراد آنی گوما بندات بیت، وھد انت گوست ءِ ردیانی سرا وان اِت، وتی آدرشاں پہم اِت ءُ وتی سرجمیں توانائیاں پہ وتی راج ءِ دیمروئی ءُ وشھالی ءَ ندر کن اِت آئی ءَ گوشت کہ پاکستان ءِ مزنیں راج ءَ را مدام مشکلانی دیمپان بوتگ، مرچی ھم ما انچیں نوکیں سالے ءِ تہ ءَ پاد ایر کنگ ءَ ایں کہ آمارا جزم، جرات ءُ یکوئی لوٹ کنت، مارا درستاں وتی ذاتیءُ اجتماعی ذمہ واری آں گوں سرجمیں لگن ءَ پیلو کنگی انت دانکہ مئے ملک امن، دیمروئیءُ وشحالی ءِ راہ ءَ دیم ءَ بہ روت۔ چیئرمین سینیٹ ءَ گوشت کہ نوکیں سال مارا یات دنت کہ یک راجی ءِ بستار ءَ مئے یکجائی مئے مستریں مھکم اِنت، بیا اِت ما وتی اختلاف آناں یک کِر ءَ بہ کن ایںءُیک انچیں چاگردے جوڑ بہ کن ایں کہ اودا ھمک مردم ءَ را برابری، انصاف ءُ شرپ ءِ گوما پیش دارگ بہ بیت سیدیوسف رضا گیلانی ءَ دعا کت کہ نوکیں… سال مئے واستہ دیمروئی، وشھالی ءُ امن ءِ سال بیت، اللہ تعالیٰ مئے راج ءَ گیشتر سوبمندی ءُ مزنیں عہدگاں بہ دنت ءُ ما وتی ملک ءِ ھزمت ءُ دیمروئی ءَ بہ کن اِت شما وتی جھداں برجاہ بہ دار اِت۔ گرانٹ کن۔