اسلام آباد۔1جنوری (اے پی پی):بنجاھی وزیر اھوالکاری، شنگ ءُ تالان، راجی ورثہ ءُ دود ءُ ربیدگ عطا اللہ تارڑ ءَ کشمیر اھوالکار فورم ءِ نوکیں گچین بوتگیں کارندہ آناں مبارک بات داتگ ءُ گوشت کہ کشمیر اھوالکار فورم کشمیر ءِ الس، آجوئی ءِ جھد ءِ یک مھکمیں توار اِنت۔ کشمیرءِ اھوالکار فورم ءَ کشمیر ءِ سیاستءُ راجی جیڈھ آناں پدر کنگ ءِ تہ ءَ مزنیں کردے پیلو کتگ، آزات کشمیر۔ چار شمبے ءِ روچ ءَ بنجاھی وزیر ءِ اھوالکاری ءَ وتی کلوہ ءِ تہ ءَ عرفان سدوزئی ءَ را کشمیر اھوالکار فورم ءِ سیکرٹری ءِ بستار ءَ صدر گچین بوھگ ءِ سر ءَ مبارکی دات۔ عرفان سدوزئی ءُ مقصود منتظار ءِ سروکی ءَ فورم نوکیں کونڈاں سر بیت ۔ بنجاھی وزیر ءِ اھوالکاری ءَ کشمیر اھوالکار فورم ءِ نوکیں گچین بوتگیں اگدہ دار آنی واستہ نیکیں واھگ آنی درشان کت۔
