اسلام آباد۔1جنوری (اے پی پی):منصوبگ بندی، دیمروئی، اصلاحات ءُ ھاسیں گامگیج آنیبنجاھی وزیر پروفیسر احسن اقبال ءَ گوشت کہ پائیدار امن ءُ دیمروئی ءِ عمل پالیسی ءُ اصلاحات آنی تسلسل ءَ گوں بندوک اِنت، تانکہ وشھالی ءِ مول ءُ مراد ءِ سر ءَ سر بہ بیت۔ مارا وھد زوال کنگ ءَ ابید دیم ءَ روگی اِنت۔ اے ھیالانی درشانی آئی ءَ چار شمبے ءِ روچ ءَ ھپتمی کشت ءُ کشاری مردم شماری ءِ بنگیج ءِ موہ ءَ مراگش ءَ گشتانک دیان ءَ کت۔ آئی ءَ گوشت کہ بازیں تجربت کنگ بوتگ ءُ مارا وشھالی ءِ مکسد ءِ ھاترا وھد ءِ زوال کنگ ءَ ابید دیم ءَ جنزگ لوٹ ایت نیچر ءَ پاکستان ءَ را سک باز ارزشتی ایں مڈی آناں برکت داتگ آئی ءَ گوشت کہ ما گوست ءَ بازیں موہ زوال کتگ، پاکستان ءُ پاکستان ءِ نیام ءَ فرق۔ دگہ سوبمندیں ملکاں اے گپ بوتگ کہ اے ملکاں امن ءُ ایمنی ءِ راہ ءَ روگ ءَ وتی ملکانی سرنوشت بدل کتگ، پالیسی ءُ اصلاحات۔ بدل بیثہ۔ بنجاھی وزیر ءَ گوشت کہ ما اے ملک ءَ کرپشن، انارکی، بے رھبندی ءِ ھواری ءَ سیاست ءِ تہ ءَ ھم ھوار بوتگیں، ھچ حکومت ءَ را کار کنگ ءِ موہ نہ داتگ، ھچ وڑیں منصوبگ ءَ را سوبمند بوھگ ءِ موہ نہ داتگ۔ آئی ءَ گوشت کہ ایشی ءَ چہ پیسر ما وژن 2010 ءِ بندات کتگ ات، آ نا سرجم بوتگ ات، ما وژن 2025 ءِ بندات کتگ ات ءُ آ ھم نا سرجم بوتگ ات، نوں مارا اے وڑیں آزمائش کنگ ءُ ردی ءِ پدا کنگ ءِ وھد نیست۔ آئی ءَ گوشت کہ ڈیجیٹل زرعی مردم شماری ءَ چہ معتبریںڈیٹا ءِ بنیات ءَ پیسلہ کنگ ءَ کمک رسیت ایشی ءَ چہ گیش بوھوکیں آبادی ءِ رد ءَ راجی زرعی پیداوار ءِ دیمروئی ءَ کمک رسیت۔ بنجاھی وزیر ءَ پاکستان ءِ وڑیں کشت ءُ کشاری ملک ءِ واستہ کشت ءُ کشاری ءِ بنیات ءَ اعداد و شمار ءِ ارزشت ءِ سر ءَ زور پر دات ءُ آٹومیٹک لوکل سسٹم ءِ دیم ءَ آرگ ءِ واستہ پاکستان شماریات ءِ کارگس ءِ کوشست آناں ساڑاتگ ءِ وھد ءَ آئی ءَ گوشت کہ کشت ءُ کشاری پیداوار ءِ تہ ءَ گیشی جتا جتائیں شعبہ آں ءُ جوانیں پیداوار ءِ ھاتر ءَ المی وسیلگ آنی پجارینگ ءَ چہ یکجا کتگیں اعداد و شمار ءَ چہ راجی زرعی پالیشی آنی جوڑ کنگ ءَ کمک رسیت۔ آئی ءَ گوشت کہ ڈیجیٹل کشتءُ کشاری مردم شماری ءَ چہ جوڑ بوتگیں اعداد و شمار ءَ چہ راجی کشت ءُ کشاری پیداوار ءِ دیمروئی، کشت ءُ کشاری کمیونٹی ءِ گہتریءُ آوانی سرجمیں وشھالی ءِ تہ ءَ ھم کمک رسیت۔
