اسلام آباد۔1جنوری (اے پی پی):بنجاھی وزیر داخلہ محسن نقوی ءِ پنت ءُ شون ءِ رد ءَ راجدپتر ءِ تہا اولی رند ءَ 15 جنوری ءَ چہ دہ سال ءَ چہ گیش عمر ءِ زھگانی واستہ بی فارم ءِ ھاسیں سیکورٹی ءِ وسیلگ ءِ دیم ءَ آرگ ءِ پیسلہ کنگ بوتگ۔ ءُ 10 سال ءَ چہ گیش ءِ زھگانی عکس ءَ بی فارم ءِ لازمی بھر جوڑ کنگ بوتگ۔ وزارت داخلہ ءِ جارکش ءِ رد ءَ 15 جنوری ءَ چہ اسپیشل بی فارم (رجسٹریشن سرٹیفکیٹ) مرحلہ وار ءِ رنگ ءَ جاری کنگ بیت۔ وزیر داخلہ محسن نقوی ءِ پنت ءُ شون ءِ رد ءَ پاسپورٹ ڈیپارٹمنٹ ءِ کمک ءَ 10سال ءَ چہ گیش عمر ءِ زھگ آنی انگل ءِ نشان ءُ اکس ءِ گوما بی فارم جاری کنت اے گامگیج زھگ آنی پجار ءِ ھال آناں دُزیءُ ردیں کارمرد کنگ ءِ گر ءُ دار ءَ کمک کنت۔ چہ زھگانی جعلی شناختی کارڈ، غیر قانونی پاسپورٹ ءِ گرگ ءُ انسان ءِ سوداگری ءِ وڑیں جرم آنی دیم ءَ دارگ۔ وزیر داخلہ محسن نقوی ءَ چیئرمین نادرا، ڈی جی پاسپورٹ ءُ سرجمیں ٹیم ءَ را کمیں وھد ءِ تہ ءَ ’’بی فارم‘‘ ءِ تہ ءَ اصلاحات ءِ دیم ءَ آرگ ءِ سر ءَ مبارکی دیان ءَ گوشت کہ اولی بھر ءَ 15 جنوری ءَ چہ 10سال ءَ چہ گیشءُ 18سال ءَ چہ کمیں زھگ آناں جاری کنگ بیت۔ نادر سنٹر ءَ فنگر پرنٹ ءُ عکس زورگ بنت۔ اے زھگانی ھمراھی ءَ یکے چہ مات ءُ پتاں یا قانونی سرپرست ءَ بہ بیت ءُ آ وتی کمپیوٹرائزڈ راجی شناسنامہ ءُ زھگ ءِ کمپیوٹرائزڈ پیدائش ءِ سرٹیفکیٹ ءَ ھم بیار اَنت کہ یونین کونسل یا ٹاؤن کمیٹی ءَ چہ شنگ کنگ بوتگ اَنت۔ وزارت داخلہ ءِ جارکش ءِ رد ءَ نادرا ءَ المی کارروائی ءَ پد زھگ ءِ اکس ءِ گوما بی فارم جاری کنگ بیت۔ سال ءَ چہ گیش ءُ 18 سال ءَ کم عمر ءِ زھگاں نوکیں پاسپورٹ ءِ درخواست دیگ ءِ وھد ءَ بی فارم ءِ گوں فنگر پرنٹ ءُ ناڈرا ءِ نیمگ ءَ چہ جاری کتگیں عکس ءَ جمع کنگ لوٹ ایت۔ پرانے بی فارم کہ ایشی ءِ تہا فوٹو ءُ فنگر پرنٹ ھوار نہ بنت، چہ ایشی ءَ بُرز ءِ عمر ءِ زھگاں ھچ وڑ ءَ منّگ نہ بیت۔ والدینیا قانونی سرپرستاں چہ نادرا ءَ 10 سال ءَ گیش ءِ زھگ ءِ عکس ءُ انگل ءِ نشان ءِ گوں نوکیں بی فارم ءِ زورگ بہ بیت۔ امیگریشن ءُ پاسپورٹ ءِ ڈائریکٹوریٹ جنرل پاسپورٹ ءِ درخواست ءِ کارروائی ءِ وھد ءَ ناڈرا ڈیٹا بیس ءَ چہ زھگ ءِ اکس ءُ فنگر پرنٹ ءِ تصدیق کنت۔ دیمتر ءِ مراگش آنی تہ ءَ گیشیں گہتری آرگ بیت۔ یونین کونسل چم ءِ نشان بزاں آئیرس اسکین، فوٹو ءُ فنگر پرنٹ ءِ گرگ ءِ آسراتی ءَ دنت۔ وزارت داخلہ ءِ جارکش ءِ رد ءَ نادرا ءِ شناسائی ءِ نظام ءَ را صوبہ آنی مدنی رجسٹریشن ءِ انتظامی نظام ءَ گوں یکجا کنگ ءِ واستہ گامگیج چست کنگ بیت۔ ناڈرا ءِ پاک آئی ڈی موبائل ایپ ءِ سر ءَ گہتریں سروس ڈیلیوری ءَ را دل یکیمی کنگ ءِ واستہ گامگیج کنگ بیت۔ توامیں پاکستان ءِ شہری آں ڈیجیٹل آئی ڈی جوڑ کنگ بیت۔
