اسلام آباد۔31دسمبر (اے پی پی): بنجاھی وزیر برائے منصوبگ بندی ءُ دیمروئی پروفیسر احسن اقبال ءَ گشتگ اڑان پاکستان یک انقلابی گامگیج یے، ایشی ءَ چہ وانگ ءُ زانگ، جان سلامتی، روزگار ءُ کاروباری موہ گیش بنت۔ اے ھیالانی درشانی آئی ءَ سئے شمبے ءِ روچ ءَ استیں حکومت ءِ پنچ سالی راجی اقتصادی منصوبگ (2024-29) ’اڑان پاکستان‘ ءِ موہ ءَ وتی کلوہ ءِ تہ ءَ کت۔ احسن اقبال ءَ اڑان پاکستان ءَ را پائیدار اقتصادی دیمروئی ءِ ھاترا ’’آشوبی‘‘ گامگیج لیک اِتگ ءُ گوشت کہ اے یک انچیں گامگیج اِنت کہ سیاسی آشوب یا ھرچ وڑیں سیاسی لانگ مارچ ءَ چہ رکگ ءِ وھد ءَ گیش ءَ چہ گیش راجی یکوئی ءِ برجم دارگ ءَ سوبمند بوت کنت۔ بلکیں یک دراجیں معاشی مارچے ءِ ضلورت اِنت کہ ما دنیا ءِ گوما جوانیں رنگے ءَ مقابلہ بہ کنیں۔ آئی ءَ گوشت کہ حکومت ءَ استیں اقتصادی چیلنج آنی گوما جوانیں رنگ ءَ گر ءُ چیل بوھگ ءِ واستہ ترندیں گامگیج چست کتگ، بلے ملک ءَ را وشھال ءُ اقتصادی رد ءَ مھکم جوڑ کنگ ءِ واستہ برجائی بنیات آنی سر ءَ دراجیں مدت ءِ منصوبگ بندی ءِ ضلورت اِنت۔ بنجاھی وزیر ءَ گوشت کہ پاکستان مسلم لیگ نواز ءِ حکومت ءَ وتی پیسریگیں مدت آنی تہ ءَ وژن 2010 ءُ وژن 2025 ءِ بندات کتگ ات بلے سیاسی بے رھبندی ءِ سبب ءَ آ سرجمی ءَ سرجمی ءَ سر ءَ عمل کنگ نہ بوتگ پدا پنچ سالی منصوبگ تیار کنگ بوتگ کہ ایشی ءِ تہ ءَ… پائیدار اقتصادی دیمروئی ءِ بنیات بیت آئی ءَ گیش گوشت کہ راجی اقتصادی منصوبگ ءِ میوہ عام مردم ءَ را سر کنگ بنت ءُ جوانیں وانگ ءُ زانگ، جان سلامتی، روزگار ءُ کاروباری موہ آنی تہ ءَ گیشی بیت۔
