صدر آصف علی زرداری ءَ شش بینک آناں ہدایت کتگ کہ آ بینک فراڈ ءِ آماچیں 31 مردم آناں 24.136 ملین کلدار ءِ ریلیف بہ دنت

اسلام آباد۔30دسمبر (اے پی پی): صدر آصف علی زرداری ءَ شہری آناں مالیاتی دھاندلی ءُُ تجارتی بینک آنی بد انتظامی ءَ چہ رکھینگ ءِ تہ ءَ بینکنگ محتسب ءِ کرد ءِ سر ءَ زور پر داتگ ءُ گوشت کہ بینکنگ محتسب شکایت آنی ترندیں گیواری ءِ واستہ اِنت۔ ءَ شش بینک آناں ہدایت کتگ کہ آ 31 بینک فراڈ ءِ آماچیں مردم آناں 24.136 ملین کلدار ءِ ریلیف بہ دنت ءُُ بینکنگ محتسب ءِ پیسلہ آنی ھلاپ ءَ دائر کتگ۔ درخواست آنی سر ءَ پیسلہ کنگ بوتگ۔ دو شمبے ءِ روچ ءَ صدارت ءِ پریس ونگ ءِ رد ءَ صدر ءَ بینکنگ محتسب ءِ پیسلہ آناں فراڈ ءِ آماچیں مردم آنی حق ءَ من اِتگ ایشی ءَ چہ صدر ءِ جزم ءِ درشان اِنت کہ آ الس ءَ را انصاف ءُُ ترندیں ریلیف پجارینگ بہ بیت۔ صدر ءِ مملکت ءَ شہری آناں مالیاتی فراڈ ءُ کمرشل بینک آنی ردیں انتظامی ءَ چہ رکھینگ ءِ واستہ بینکنگ محتسب ءِ کرد ءِ سر ءَ زور پر دات ءُ گوشت کہ بینکنگ محتسب شکایت آناں ترندی ءَ گوں گیواری ءِ واستہ یک ھاسیں ادارگ اِنت۔ آئی ءَ گوشت کہ بینکنگ محتسب دراجیں کانود ءِ بار ءَ ابید زدگیں مردم آناں وھد ءِ سر ءَ انصاف ءِ پجاری ءَ کنت۔ صدر ئِ مملکت ئَ گوشت کہ الس بینکاری جیڈھ آنی جنجال ءُ دھاندلی ءِ گوں گر ءُ دار ءِ واستہ بینکنگ محتسب ءِ ازمت آناں کارمرد بہ کن اَنت۔ صدر ءَ یونائیٹڈ بینک لمیٹڈ ءِ نیمگ ءَ دائر کتگیں درخواست رد کتگ ءُُ بینک ءَ را ہدایت کتگ کہ آ 12 آماچیں صارف آناں 1.15لکھ کلدار ءِ زرّ ءِ واپسی ءَ بہ کنت۔ مسلم کمرشل بینک ءِ 10 صارف آناں کل 52لکھ ءَ چہ گیش ءِ زرّ ءِ واپسی ءِ ہدایت کنگ بوتگ۔ الائیڈ بینک لمیٹڈ ءِ نیمگ ءَ دائر کتگیں 5 درخواست ھم رد کنگ بوتگ اَنت وھدیکہ الائیڈ بینک لمیٹڈ ءَ را متاثرہ صارف آناں 40لکھ ءَ چہ گیش زرّ ءِ واپسی ءِ پرمان داتگ۔ صدر ءَ بینک آف پنجاب ءِ نیمگ ءَ دائر کتگیں سئے درخواست ھم رد کتگ ءُ دھاندلی ءَ چہ آماچیں سئے گاہک آناں 2.3 لکھ ءَ چہ گیش زرّ ءِ واپسی ءِ ہدایت کتگ۔ صدر ءِ مملکت ءَ عسکری بینک لمیٹڈ ءَ را ہدایت کت کہ آ یک کیسے ءَ 490 ہزار کلدار ءُُ حبیب بینک لمیٹڈ ءِ کیس ءَ یک کسٹمر ءَ را 420ہزار کلدار واپس بہ کنت۔ تفصیلات ءِ رد ءَ زدگیں مردماں بھرتی بوتگیں مردماں بینک ءِ نمائندگ ءِ دروشم ءَ پیش داشتگ ءُ دھوکہ داتگ، بھرتی بوتگیں مردماں چہ صارفین ءَ چہ جعلی فون کال ءِ وسیلگ ءَ حساس بینکنگ ءِ تفصیل زرتگ۔ گاہکاں چہ ذاتی بینکنگ ءِ تفصیلات ءِ گرگ ءَ پد گاہک آنی اکاؤنٹ ءَ چہ زرّ در کنگ بوتگ انت۔ صارفین ءَ دزگٹی ءَ چہ دز کپتگیں زر پدا گرگ ءِ ھاترا بینکاں گوں رابطہ کتگ بلے ھچ وڑیں ریلیف نہ داتگ، ایشی ءِ سر ءَ زدگیں مردماں ریلیف ءِ واستہ بینکنگ محتسب ءَ گوں رابطہ کتگ۔ بینک آنی نیمگ ءَ محتسب ءِ پیسلہ آناں چیلنج کنان ءَ صدر ءِ مملکت ءَ را جتا جتا درخواست دائر کنگ بوتگ۔ حتمی فیصلہ چہ ھما ریکارڈ ءِ گوشدارگ ءُ چار ءُ تپاسی ءَ پد دیگ بنت۔