ماموران زیر تربیت 52م مشترکہ تربیت پروگرام وزارت قانود و عدالت ءِ تر ءُ تاب

اسلام آباد۔30دسمبر  (اے پی پی): 52می مشترکہ تربیتی پروگرام ءِ تربیت ءِ چیر دستی ءَ افسر آنی یک گلے ءَ دوشمبے ءِ روچ ءَ وزارت ءِ کانود ءُ انصاف ءِ تر ءُ تاب کتگ۔ وزارت ءِ تر ءُ تاب ءِ ساھت ءَ ٹرینی افسر آنی گل ءَ وزیر کانود ءُ انصاف سینیٹر اعظم نظیر ترار ءَ گوں گند ءُ نند کت ایشی ءِ تہ ءَ پاکستان ءَ کانود ءِ حکمرانی ءَ را گیش کنگ ءِ واستہ وزارت ءِ وژن ءُ کمیٹمنٹ ءِ سر ءَ گپ ءُ تران کت۔ گند ءُ نند ءِ تہ سیکرٹری کانود ءُ انصاف راجہ نعیم اکبر، ایڈیشنل سیکرٹری عویس نعمان کنڈی ءُ سینئر جوائنٹ سیکرٹری زینت احمد ھم ھوار بوتگ اَنت ایشی ءِ تہ ءَ ویٹنگ، ڈرافٹنگ، سالسیٹر ءُ قانون ساز ءِ کرد ءَ ھوار وزارت ءِ جتا جتائیں کارانی بابت ءَ سرجمیں بریفنگ ھم ھوار اِنت۔ کانود ءُ انصاف ءِ سیکرٹری راجہ نعیم اکبر ءَ کلیدی قانونی فریم ورک ءِ سر ءَ تفصیلی پریزنٹیشن داتگ ءُ صارفین ءِ رکھینگ ءِ کانود ءِ مھکم کنگ ءُ دانشورانہ ملکیت ءِ ھک آنی دیمروئی ءِ تہ ءَ وزارت ءِ کوشست آنی سر ءَ چمشانک داتگ۔ آزمائشی آں قانون سازی ءِ عمل ءِ پیچیدگی ءُ ملک ءِ قانونی ڈھانچہ ءِ جوڑ کنگ ءِ تہا قانونی نبشتہ کنگ ءِ کرد ءِ ہم پٹ ءُ پول کتگ۔ دیوان ءِ مزنیں بہرے شہری آنی واستہ گیش کارآمدیں انصاف ءِ نظام ءِ جوڑ کنگ ءِ مول ءُ مراد ءَ فوجداری کانود ءِ تہ ءَ جاری اصلاحات آنی واستہ ندر کنگ بوتگ۔ ٹرینی افسر آناں وزارت ءِ اسٹریٹجک گامگیج آنی بابت ءَ سرپدی دیگ بوت کہ آ قانونی نظام ءَ را نوکیں رنگ ءَ جوڑ کنگ ءُ درستیں شہری آناں انصاف ءِ رسائی ءَ را دل یکیمی کنگ بہ بیت۔ بریفنگ ءَ  انصاف ءُ جوانیں حکومت داری ءِ اصول آناں پجّار کنگ ءِ واستہ حکومت ءِ جتا جتائیں محکمہ آنی نیام ءَ  کمک ءِ ارزشت ءِ سر ءَ  ھم زور پر دیگ بوت۔