راجی اسمبلی ءِ اسپیکر سردار ایاز صادق ءَ لاہور پریس کلب ءِ نوکیں گچین بوتگیں کارندہ آناں مبارک بات

اسلام آباد۔30دسمبر  (اے پی پی): راجی اسمبلی ءِ اسپیکر سردار ایاز صادق ءَ لاہور پریس کلب ءِ نوکیں گچین بوتگیں کارندہ آں گوں نیکیں واھگ ءِ درشانی کتگ۔ دو شمبے ءِ روچ ءَ وتی مبارکی پیغام ءِ تہ ءَ آئی ءَ ارشد انصاری ءَ را صدر ءِ بستار ءَ ، زاہد عابد ءَ را سیکرٹری ءِ بستار ءَ ، افضال طالب ءَ را سینئر نائب صدر ءِ بستار ءَ ، صائمہ نواز ءَ را نائب صدر ءِ بستار ءَ ، عمران شیخ ءَ را مشترکہ سیکرٹری ءِ بستار ءَ ءُ سالق نواز ءَ را سردار ایاز ءَ را ھم مبارکی دات ۔ نوک گچین بوتگیں گورننگ باڈی ءِ باسک آنی سر ءَ ھوار بوتگ ءُ گوشت کہ جمہوریت ءِ مھکم کنگ ءُ جمہوری ارزشت آنی دیمروئی، رسانکدر ءِ آجوئی ءُ لبز ءِ آجوئی ءِ واستہ میڈیا ءِ کرد ستا کرزیت۔ ایشی ءِ بید ءَ جمہوری نظام نا سرجم اِنت، صحافی چاگرد ءَ مدام آئین ءُ قانون ءِ حاکمیت ءِ ھاتر ءَ ھاسیں کرد پیلو کتگ، پارلیمنٹ صحافی چاگرد ءِ وشھالی ءُ ھک آنی رکھینگ ءِ ھاتر ءَ موثر کانود جوڑ کنگ ءِ ھاتر ءَ جزم اِنت۔ صادق آئی ءَ لاہور پریس کلب ءِ نوک گچین بوتگیں اگدہ دار آنی واستہ ھم نیکیں واھگ آنی درشان کت۔