صدر آصف علی زرداری ءَ شش بینک آناں ہدایت کتگ کہ آ بینکنگ فراڈ ءِ آماچیں 31 مردم آناں 24.136ملین کلدار ریلیف  کمک ءَ بہ کن اَنت

اسلام آباد۔30دسمبر  (اے پی پی): صدر آصف علی زرداری ءَ شہری آناں تجارتی بینک آنی بدانتظامی ءُ مالیاتی دھاندلی ءَ چہ رکھینگ ءِ واستہ بینکنگ محتسب ءِ کرد ءِ سر ءَ زور پر داتگ ءُ گوشت کہ بینکنگ محتسب ءَ را شکایت آنی ترندیں گیواری کنگ لوٹ ایت۔ ھاسیں گل ءِ نیمگ ءَ چہ ملک ءِ صدر ءَ شش بانک آناں ہدایت کتگ کہ آ بنکاک ءِ جعل سازی ءِ آماچیں 31 مردم آناں 24.136 ملین کلدار ءِ کمک ءَ بہ کن اَنت ءُ بینکنگ محتسب ءِ حلاف ءَ دائر کتگیں 31 درخواست رد کنگ بوتگ انت۔ پیرو ءِ صدر ءِ ایوان ءِ پریس ونگ ءِ رد ءَ صدر ءِ ملک ءَ بینکنگ محتسب ءِ پرمان آنی سر ءَ دزگٹی ءِ آماچیں مردمانی حق ءَ منگ بوتگ۔ صدر ءِ مملکت ءَ تجارتی بینک آنی بد انتظامی ءُ مالیاتی فراڈ ءَ چہ شہری آناں رکھینگ ءِ واستہ بینکنگ محتسب ءِ کرد ءِ سر ءَ زور پر دات ءُ گوشت کہ بینکنگ محتسب شکایت آنی ترندیں گیواری ءِ واستہ یک المی ئیں ادارگ انت۔ آئی ءَ گوشت کہ بینکنگ محتسب دراجیں کانود ءِ بار ءَ ابید زدگیں مردم آناں وھد ءِ سر ءَ انصاف ءِ پجاری ءَ کنت۔ صدر ءِ مملکت ءَ  گوشت کہ الس بینکاری جیڈھ آنی جنجال ءُ دھاندلی ءَ  گوں گر ءُ دار ءِ واستہ بینکنگ محتسب ءِ ازمت آناں کارمرد بہ کن اَنت۔ صدر ءَ یونائیٹڈ بینک لمیٹڈ ءِ نیمگ ءَ دائر کتگیں درخواست رد کتگ ءُ بینک ءَ را ہدایت کتگ کہ آ 12 آماچیں صارف آناں 1.15لکھ کلدار ءِ زرّ ءِ واپسی ءَ بہ کنت۔ مسلم کمرشل بینک ءِ 10 صارف آناں کل 52لکھ ءَ چہ گیش ءِ زرّ ءِ واپسی ءِ ہدایت کنگ بوتگ۔ الائیڈ بینک لمیٹڈ ءِ نیمگ ءَ دائر کتگیں 5 درخواست ھم رد کنگ بوتگ اَنت وھدیکہ الائیڈ بینک لمیٹڈ ءَ را متاثرہ صارف آناں 40لکھ ءَ چہ گیش زرّ ءِ واپسی ءِ پرمان داتگ۔ صدر ءِ مملکت ءَ بینک آف پنجاب ءِ نیمگ ءَ دائر کتگیں اپیل ھم رد کتگ ءُ دھاندلی ءَ چہ آماچیں 3 صارف آناں 23لکھ ءَ چہ گیش زرّ ءِ واپسی ءِ ہدایت کتگ۔ صدر ءَ عسکری بینک لمیٹڈ ءَ را ہدایت کتگ کہ آ یک قسط ءِ تہا 490 ہزار کلدار ءُ حبیب بینک لمیٹڈ ءِ یک گاہک ءَ را 420ہزار کلدار ءِ زرّ ءَ پدا بہ دنت۔ تفصیلات ءِ رد ءَ زدگیں مردماں بھرتی کنوکاں بانکیل ءِ نمائندگ ءِ رنگ ءَ وتی دروشم پیش داشتگ ، بھرتی کنوکاں جعلی فون کال ءِ وسیلگ ءَ صارفین ءَ چہ حساس بینکنگ ءِ تفصیلات زرتگ ۔ گاہک ءِ چہ ذاتی بینکنگ ءِ تفصیلات ءِ گرگ ءَ پد گاہک ءِ اکاؤنٹ ءَ چہ زرّ کشگ بنت۔ گاہک ءَ دھاندلی ءَ چہ دز کپتگیں زراں پدا گرگ ءِ ھاترا بینکاں نبشتھی ریفرل نہ داتگ کہ ایشی ءِ سر ءَ زدگیں مردماں بینکنگ محتسب ءَ گوں رابطہ کتگ ءُ رد ءُ بند ءِ لوٹ کتگ۔ بینکاں صدر ءَ را جتا جتائیں درخواست داتگ ءُ محتسب ءِ رپورٹ ءَ را چیلنج کتگ۔ متعلقہ ریکارڈ ءِ گوشدارگ ءُ وانگ ءَ پد گڈی فیصلہ ءِ جار جنگ بوتگ۔