اسلام آباد۔28دسمبر (اے پی پی):اینٹی منشیات فورس ءِ ڈائریکٹر جنرل میجر جنرل عبدالمعید (هلال امتیاز ملٹری) ءَ منشیات ءِ ھترہ ءُ ناشرکار آنی نیام ءَ مھکمیں سیادی ءِ نیمگ ءَ دلگوش گور کت ءُ تربیت ءِ نوکیں رھبند آنی سر ءَ جوانیں رنگ ءَ جنگ ءِ ھاترا المی جار جنگ بوتگ۔ اے ھترہ ءِ سرا۔ این ایف ءِ جارکش ءِ رد ءَ آئی ءَ اے ھیالانی درشانی اینٹی نارکوٹکس فورس اکیڈمی اسلام آباد ءَ ھشتمی اسسٹنٹ ڈائریکٹرز / انسپکٹرز بنجاہی کورس ءِ گریجویشن مراگش ءَ گشتانک دیان ءَ کت۔ اے مراگش 27 دسمبر 2024 ءَ برجم دارگ بوتگ۔ اے مراگش ءِ مستریں مہمان اے این ایف ءِ ڈائریکٹر جنرل میجر جنرل عبدالمید (هلال امتیاز ملٹری) بوتگ۔ اے مراگش ءَ اے این ایف ءِ مزنیں افسر ءُ گریجویشن کنوکیں افسر آنی کھول آنی نیمگ ءَ ھم بھر زوری کت ءُ ایشی ءِ تہ ءَ بُرز ءَ داتگیں تربیت ءِ ماڈیول آنی سر ءَ چمشانک دات کہ ایشی ءِ وسیلگ ءَ ٹرینی ٹریننگ ءِ گرانیں بلے المی ئیں پڑ آناں سرجم کنگ بیت۔ هلال امتیاز ملدی ءَ منشیات ءِ گیش بوھوکیں ھترہ ءِ ھلاپ ءَ جنگ ءِ تہ ءَ اے این ایف ءِ ھاسیں کرد ءِ سر ءَ زور پر دات کہ اے پاکستان ءِ تہی ایمنی ءُ میاں اوستمانی بھروسہ ءِ واستہ سنگین اِنت۔ چیلنجاں گوں دیم پہ دیم بوھگ المی اِنت۔ آئی ءَ منشیات ءِ ھترہ ءُ ناشرکار آنی نیام ءَ مھکمیں سیادی ءِ نشاندہی کت ءُ اے ھترہ ءِ جوانیں رنگ ءَ گر ءُ دار کنگ ءِ واستہ نوکیں طرز ءِ تربیت ءِ لوٹ کت آئی ءَ گریجویشن کنوکیں افسر آنی توسیپ کت ءُ آھاں وتی ھزمت ءِ سر ءَ مھکمیں رنگ ءَ اوشتگ ءِ پنت ءُ شون کت۔ منشیات ءِ شنگ ءُ تالان ءِ ھلاپ ءَ جنگ ءَ ملک ءَ را دیم ءَ برتگ۔ ایشی ءَ پد ڈی جی اے ایف ءَ جوانیں کارکردگی پیش داروکیں تربیت گپتگیں مردماں میڈل داتگ تربیت ءِ درستیں پڑ آنی تہ ءَ سرجمیں جوانیں ٹرینی افسر ءِ واستہ ڈی جی کین ءِ داد اسسٹنٹ ڈائریکٹر ایرام ایلیاس ءَ را داتگ وھدے کہ درستیں پڑ آنی تہ ءَ اسسٹنٹ ڈائریکٹر صلاح الدین ءَ را تمغہ داتگ کہ آ سرجمیں رنگ ءَ دومی نمبر ءَ اوشتاتگ۔ شاندار کارکردگی ءِ ھاتر ءَ کمانڈنٹ ءِ تمغہ۔ منشیات ءِ شنگ ءُ تالان ءِ ھلاپ ءَ جہاد ءِ واستہ اے این ایف ءِ صف آنی تہ ءَ نوکیں ءُ توانمندیں افسر آنی ھوار کنگ ءَ چہ اے این ایف ءِ منشیات ءَ چہ پاکیں پاکستان ءِ مشن گیش مھکم بیت۔
