لاہور۔28دسمبر (اے پی پی):صوبائی ٹرانسپورٹ ءِ وزیر بلال اکبر خان ءِ سروکی ءَ ٹرانسپورٹ ہاؤس ءَ الیکٹرک گاڑی جوڑ کنوکیں کمپنی دیوان گروپ ءُ این آر ٹی سی ءِ گوما جتا جتائیں گند ءُ نند کنگ بوت۔ گند ءُ نند ءِ سیکرٹری ٹرانسپورٹ احمد جاوید قاضی، ای گاڑی کمپنی آنی نمائندگ ءُ سینئر افسر آں بہر زرتگ۔ دومی نیمگ ءَ کمپنی آں پنجاب ءَ ای ٹیکسی منصوبگ ءِ تہ ءَ دلگوشی ءِ درشانی کتگ ءُ وتی ای گاڑی آنی جوڑ کنگ، ڈیزائن ءُ فیچر آنی ھوالگ ءَ ھم سرجمیں بریفنگ داتگ۔ ٹرانسپورٹ ءِ وزیر بلال اکبر خان ءَ گاڑی جوڑ کنوکیں کمپنی آناں ای ٹیکسی ءِ تہ ءَ سک باز دلگوشی ءِ درشان کنگ ءِ سر ءَ ساڑات۔ آئی ءَ گوشت کہ سر وزیر پنجاب ءِ پنت ءُ شون ءِ رد ءَ بے روزگاریں مردمانی واستہ ای ٹیکسی اسکیم ءِ بندات کنگ ءِ واستہ گامگیج کنگ بوھگ ءَ انت۔ اے اسکیم ءَ چہ مزنیں روزگار ءِ موہ پیداک بنت ءُ چاگردی آلودگی ءَ را ھم کم کنگ بیت۔ ای ٹیکسی گاڑیانی سپلائی ءَ را دل یکیمی کنگ لوٹ ایت کہ آ درستیں کوالٹی ءِ لوٹاں پیلو بہ کن اَنت۔ آئی ءَ گیش گوشت کہ پنجاب لس مھلوک ءِ واستہ سداں الیکٹرک بس، نودربر آنی واستہ ھزاراں الیکٹرک بائیک ءُ ای ٹیکسی ءِ گوما نوکیں ٹرانسپورٹ ءِ نظام ءَ داخل بوھگ ءَ انت۔ نوں ای ٹیکسی ءِ آسراتی ءَ گوں باز ارزان تر ءُ معیاری سفری آسراتی ھم راج ءَ سر بیت۔ اے یک جوانیں منصوبہ یے بیث کہ ایشی ئا شہ بے روزگاری کم بیت۔
