اسلام آباد۔27دسمبر (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ بھارت ءِ پیسریگیں مزن وزیر مرحوم ڈاکٹر منموہن سنگھ ءِ بیرانی ءِ سرا غم ءِ درشانی کتگ۔ نائب مزن وزیر ءَ ایکس ءِ سر ءَ وتی پوسٹ ءِ تہ ءَ گوشت کہ ڈاکٹر منموہن سنگھ ءِ بیرانی ءِ ھال ءِ اشکنگ ءَ چہ دلپدرد بوتگ۔ پاکستان ءِ ضلع چکوال ءِ یک میتگے ءَ ودی بوتگیں ڈاکٹر منموہن سنگھ یک نامداریں معاشیات زانت ءُ ساتسی ءِ رہشونے بوتگ۔ آئی ءَ پہ وتی زانت ءُ نرمی ءَ یات کنگ بیت۔ واجہ اسحاق ڈار ءَ گوشت کہ یک معاشیات زانت ءِ بستار ءَ وتی وشیں سوبمندی ءَ ابید ڈاکٹر منموہن سنگھ دمگی امن ءِ دیمروئی ءِ واستہ جزم بوتگ، دمگی جیڈھ آنی سر ءَ آئی ءِ چمشانک ءَ چہ آئی ءِ اے باور ءِ درشانی بوتگ کہ یکے دومی ءِ سر ءَ سرپدی ءُ سرپدی، گپ ءُ تران ءُ کمک یکجائی دیمروئی ءِ واستہ المی اِنت۔ آئی ءَ مزن وزیر ءِ بستار ءَ وتی دور ءَ پاکستان ءُ بھارت ءِ نیام ءَ دو نیمگی سیادی آناں گہتر کنگ ءِ تہ ءَ مزنیں کردے پیلو کتگ۔ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ پاکستان ءِ الس ءُ حکومت ڈاکٹر منموہن سنگھ ءِ گس ءِ مردم ءُ ھندی حکومت ءُ الس ءِ گوما دل ءِ جہلانکی ءَ دلپدردی ءِ درشان کنگ ءَ انت۔
