اسلام آباد۔26دسمبر (اے پی پی): بنجاھی داخلہ ءِ وزیر محسن نقوی ءَ سٹیزن آنی واستہ اسٹیٹ آف دی آرٹ پاسپورٹ ءُ امیگریشن ہیڈ کوارٹر ءِ بنگیج کت تانکہ شہری آناں نوکیں آسراتی پجاری بہ بنت۔ اسلام آباد ءِ پاسپورٹ کارگس نوں 24 کلاک ءَ پچ بیت۔ آئی ءَ گوشت کہ سرجمیں ملک ءَ 14شھر آنی تہ ءَ نادر ءِ 24/7 میگا سنٹر جوڑ کنگ بنت، ایشی ءِ تہ ءَ شہری آناں پاسپورٹ جوڑ کنگ ءِ آسراتی پجاری کنگ بیت محسن نقوی ءَ گوشت کہ ماڈل پاسپورٹ سنٹر کراچی ءُ لاہور ءَ ھم جوڑ کنگ بیت۔ آئی ءَ گوشت کہ نوں پاسپورٹ ءِ تالے سرجم ءَ ہلاس کنگ بوتگ ءُ وھد ءِ سر ءَ شہری آناں پاسپورٹ پجارینگ بیت، تہی کارانی وزیر ءَ گوشت کہ پیسر ءَ پاسپورٹ آنی سر ءَ شش ماہ ءِ تالے بوتگ، نوں ہلاس کنگ بوتگ یک میتگ ءِ است انت۔ لاہور ءُ کراچی ءِ گوستگیں تر ءُ تاب آنی حوالہ ءَ آئی ءَ گوشت کہ پاسپورٹ ءُ نادر ءِ مراگش آنی تہ ءَ رش فری سروسز دیگ بوھگ ءَ انت ءُ الس ءَ اے بندوبست آنی سر ءَ وشھالی ءِ درشانی کتگ محسن نقوی ءَ گوشت کہ ایف آئی اے ءِ پاسپورٹ کارگس آناں درائیں ایجنٹ مافائی ءِ ھلاپ ءَ کارروائی کنگ ءَ انت۔ آئی ءَ ڈی جی پاسپورٹ ءُ ایندگر کارندہ آنی کارکردگی ءِ توسیپ کنان ءَ افتتاحی مراگش ءَ چیئرمین نادرا لیفٹیننٹ جنرل محمد منیر افضل، رفعت مختار راجہ، چیف کمشنر اسلام آباد محمد علی رندھاوا، آئی جی اسلام آباد پولیس علی ناصر رضوی ءُ ایندگراں مراگش ءَ بھر زوری کت۔ وزیر داخلہ ءَ نوکیں پاسپورٹ جوڑیشت ءِ سیکشن آنی ھم تر ءُ تاب کت ءُ جوانیں کارکردگی پیش داروکیں کارندہ آناں شیلڈ ءُ نقد داد دات۔
