اسلام آباد۔26دسمبر (اے پی پی): راجی اسمبلی ءِ اسپیکر سردار ایاز صادق ءَ آذربائیجان ءِ مسافر بالی گراب ءِ وئیل ءِ سرا دلپدردی ءِ درشانی کتگ ءُ گشتگ کہ پاکستان ءِ مہلوک ءُ پارلیمنٹ آزربائیجان ءِ مہلوک ءِ غم ءِ تہا یک پیمیں شریک انت۔ راجی اسمبلی ءَ وتی دلپدردی گشتانک ءِ تہ ءَ آذربائیجان ءِ صدر الہام علیف ءُ آذربائیجان ءِ الس ءَ گوں دلپدردی ءِ درشانی کتگ ءُ آذربائیجان ءِ راجی اسمبلی ءِ اسپیکر غفارووا ءَ گوں غمناکیں تابرا حادثہ ءِ بابت ءَ دلپدردی ءِ درشانی کتگ۔ آئی ءَ گوشت کہ قازقستان ءِ شھر طارے ءَ وئیل ءِ ھال ءِ اشکنگ ءَ چہ دلپدرد بوتگ۔ ٹپیانی زوت جان سلامتی ءِ واستہ اللہ پاک ءَ چہ دزبندی کتگ۔ آئی ءَ گوشت کہ پاکستان ءِ حکومت ءُ الس اے گرانیں غم ءِ ساھت ءَ آذربائیجان ءِ ھمراھی ءَ اوشتاتگ انت۔
