اسلام آباد۔25دسمبر (اے پی پی):بنجاھی داخلہ ءِ وزیر محسن نقوی ءَ کرسمس ءِ وشیں موہ ءِ سر ءَ مبارک بات داتگ آئی ءَ گوشت کہ کرسمس ءِ میلہ مھر، امن ءُ براتی ءِ علامت اِنت، حضرت عیسیٰ۔ (سلام علیہ وسلم) امن، برات ءُ سرجمیں انسانیت ءِ احترام ءِ علامت ءِ دروشم ءَ اے دنیا ءَ دیم دیگ بوتگ۔ ادا شنگ بوتگیں ہینڈ آؤٹ ءِ رد ءَ آئی ءَ گوشت کہ عیسیٰ ءَ کرسمس ءِ روچ ءَ عیسائی کمیونٹی ءِ وشیاں بھر ءُ بانگ کنان ءَ رواداری، مھر ءُ شفقت ءِ مستریں قدر آنی تبلیغ کتگ۔ آئی ءَ گوشت کہ مرچیگیں روچ وشھالی ءِ ھواری ءَ انسانیت ءِ احترام ءِ پیغام ءَ ھم سر کنت، حضرت عیسیٰ علیہ السلام ءِ تعلیم یک طبقہ ءِ سر ءَ نہ بوتگ بلکیں سرجمیں انسانیت ءِ سر ءَ بوتگ۔ وزیر ءِ تہی کار ءَ گوشت کہ قائداعظم محمد علی جناح ءَ اقلیت آنی واستہ راجی بیرک ءِ تہ ءَ اسپیتیں رنگ داشتگ، اقلیت آنی ھک آنی رکھینگ مئے فرض اِنت، پاکستان ءِ توامیں اقلیت ءِ کمیونٹیز ءَ را ھمک رنگ ءَ سرجمی ءَ آجوئی ھست۔ آئی ءَ اے گپ ءِ پدرائی کت کہ پاکستان ءِ آئین ءَ اقلیتی کمیونٹی آنی ھک آنی رکھینگ ءِ ضمانت داتگ۔ آئی ءَ گوشت کہ پاکستان ءِ جوڑیشت ءُ دیمروئی ءَ عیسائی کمیونٹی ءِ کرد شک ءَ چہ ڈن اِنت، دعا بکن اِت کہ کرسمس عیسائی کمیونٹی ءِ واستہ گیشاں چہ گیش سوبمندی بہ رسیت۔
