اسلام آباد۔25دسمبر (اے پی پی):بنجاھی داخلہ ءِ وزیر محسن نقوی ءَ جنوبی وزیرستان ءَ 13 خریجی ءِ کوش ءِ سر ءَ سیکورٹی فورسز ءَ را خراج تحسین پیش کنان ءَ گوشت کہ پاکستان ءِ بہادریں سیکورٹی فورسز ءَ وھد ءِ سر ءَ بوتگیں آپریشن ءِ وسیلگ ءَ نا شریں نیت ناکام کتگ اَنت۔ چار شمبے ءِ روچ ءَ جاڑی بوتگیں بیان ءِ تہ ءَ آئی ءَ گوشت کہ راج ءَ را وتی بہادریں سیکورٹی فورسز آنی سر ءَ پھر اِنت کہ آھاں خارجی ناشرکار آنی ھلاپ ءَ دلگوش کرزیں سوبمندی رستگ۔ راج ناشرکاری ءِ ھلاپ ءَ جنگ ءَ سیکورٹی فورسز ءِ ھمراہ داری ءَ اوشتاتگ ءُ آھانی کامیابی آنی شرپ ءَ کنت ۔ محسن نقوی ءَ اے گپ ءِ سر ءَ زور پر دات کہ اگاں اللہ تعالیٰ لوٹ ایت ما الس ءِ کمک ءَ چہ ناشرکار آناں سرجمی ءَ ھلاس کن ایں۔
