صدر آصف علی زرداری ءَ قازقستان ءِ شہر آکتاؤ ءِ نزیک ءَ آذربائیجان ءِ مسافر بالی گراب ءِ حادثہ ءِ سرا دلپدردی درشان کتگ۔

اسلام آباد۔25دسمبر (اے پی پی):صدر ءِ مملکت آصف علی زرداری ءَ قزاقستان ءِ شہر اکتاؤ ءِ نزیک ءَ آذربائیجان ءِ مسافر بالی گراب ءِ حادثہ ءِ سرا دلپدردی ءِ درشانی کتگ۔ چار شمبے ءِ روچ ءَ صدارت ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ حادثہ ءِ تہ ءَ گران بھائیں جانی بیرانی ءِ سر ءَ دلپدردی ءِ درشانی کتگ ۔ گشت کہ مئے ہمدردی گوں بیران بوتگیں مردمانی کھولاں انت، آ اے غم ءِ ساھت ءَ بیران بوتگیں مردمانی غم ءِ برابریں شریک انت۔