اسلام آباد۔25دسمبر (اے پی پی):بنجاھی داخلہ ءِ وزیر محسن نقوی ءَ گوں ویٹیکن سٹی ءِ سفیر آرچ بشپ جرمنو پنموت ءَ گند ءُ نند کتگ ءُ وت مہ وتی مفاد ءِ جیڈھ آنی سر ءَ گپ ءُ تران کتگ ادا جاری بوتگیں ھنڈ آؤٹ ءِ رد ءَ گند ءُ نند ءَ وت مہ وتی مفاد ءِ جیڈھ آنی سر ءَ گپ ءُ تران کنگ بوتگ ءُ دو نیمگی سیادی ءِ جیڈھ آنی سر ءَ گپ ءُ تران کنگ بوتگ۔ ھمے رنگ ءَ وزیر داخلہ محسن نقوی ءِ ویٹیکن سٹی ءِ تر ءُ تاب ءِ ھوالگ ءَ ۔ گپ بوتگ ات۔ وزیر داخلہ ءَ سفیر آرچ بشپ گارمانو پینموت ءَ را کرسمس ءِ روچ ءَ مبارک بات دیگ ءِ وھد ءَ پوپ فرانسس ءُ عیسائی کمیونٹی ءَ را وتی نیکیں واھگ آنی درشان کت۔ آئی ءَ گوشت کہ آئی ءَ ویٹیکن سٹی ءَ پوپ فرانسس ءَ گوں سکیں وشیں چاگرد ءَ گند ءُ نند کتگ، چاگردی ءُ اقتصادی انصاف ءُ انسانیت ءِ واستہ پوپ فرانسس ءِ ھزمت ستا کرز اَنت، ءُ دگنیا ءَ امن ءِ واستہ آئی ءِ کوشست آنی ستا ءَ کن آں ۔ محسن نقوی ءَ گوشت کہ ویٹیکن سٹی ءِ تر ءُ تاب ءُ پوپ فرانسس ءِ گوما گند ءُ نند ءِ وشیں یات مرچی ھم تازگ اَنت۔ آئی ءَ گوشت کہ پوپ فرانسس ءَ فلسطین ءِ جیڈھ ءِ ھوالگ ءَ دلیری ءِ موقف زرتگ، ایشی ءَ را ہرکس ءَ ساڑاتگ۔ وزیر داخلہ ءَ گوشت کہ ویٹیکن سٹی ءُ پاکستان ءِ نیام ءَ سیادی ءَ را گہتر کنگ ءِ مزنیں موہ است انت، دو نیمگی ڈل آنی مٹ ءُ بدلی ءَ چہ سیادی ءَ را گہتر بیت۔
