پاک بحریہ ءِ جہاز عرب خلیج ءَ  پوسٹنگ  ءِ وھد ءَ کویت ءُ عراق ءِ تر ءُ تاب ءَ کن اَنت

راولپنڈی۔22دسمبر (اے پی پی):پاک نیوی ءِ جہازاں خلیج عرب ءَ وتی تعیناتی ءِ وھد ءَ کویت ءُ عراق ءِ تر ءُ تاب کتگ۔ پاک فوج ءِ انٹر سروسز پبلک ریلیشنز ءِ رد ءَ یک شمبے ءِ روچ ءَ پی این ایس راسدگر ءُ پی این ایس اعظم ءَ کویت ءِ بندر الشویخ ءِ تر ءُ تاب کتگ ۔ پاکستان ءِ دریائی سلامتی ءِ ادارگ ءِ جہاز "دشت” ءَ عراق ءِ بندر ام قصر ءِ تر ءُ تاب کتگ۔ دوئیں بندر آنی تہ ءَ سر بوھگ ءِ موہ ءَ پاکستان ءِ سفارتی ءُ میزبان بحریہ ءِ کارندہ آں پاک بحریہ ءِ جہاز آناں گہتری ءَ وش اتک کت۔ ماموریت ءِ کمانڈر ءَ جہاز آنی کمانڈنگ افسر آنی گوما دوئیں ملک آنی بحری سروکی ءَ گوں گند ءُ نند کتگ۔ گند ءُ نند آنی ساھت ءَ وت مہ وتی ھب ءُ واھگ ءِ جیڈھ، دریائی سلامتی ءِ تہ ءَ کمک، نیول فورسز ءِ نیام ءَ رابطہ ءِ جیڈھ آنی سر ءَ گپ ءُ تران کنگ بوت۔ ایشی ءَ پد کویت ءُ عراق ءِ بحریہ ءِ جہازاں گوں بحری مشق ہم کنگ بوتگ انت۔ مشق آنی مول ءُ مراد بحری فورسز ءِ نیام ءَ یکے دومی ءَ گوں کار کنگ ءَ را گہتر کنگ ءُ یکجائی آپریشن آنی واستہ توانائی ءِ دیمروئی کنگ بوتگ۔ پاک بحریہ ءِ فلوٹیلا ءِ کویت ءُ عراق ءِ تر ءُ تاب ءَ چہ دوستیں ملک آنی گوما استیں سفارتی ءُ بحریہ سیادی ءَ را گیش مھکم بیت۔