اسلام آباد۔22دسمبر (اے پی پی):مزن وزیر ءِ کانود ءُ انصاف ءِ مشیر بیرسٹر عقیل ملک ءَ مولانا فضل الرحمن ءِ گوما سک باز پیداواری گند ءُ نند ءَ پد وتی دل وشی ءِ درشانی کت ءُ گوشت کہ حکومت ءُ جے یو آئی ایف ءِ نیام ءَ یک ھاسیں ءُ وت مہ وتی معاہدے۔ آیوکیں دو روچ آنی تہ ءَ یک شمبے ءِ روچ ءَ نجی ٹی وی ءَ گوں تران کنان ءَ عقیل ملک ءَ گوشت کہ حکومت ءُ جے یو آئی ایف ءِ نیام ءَ ھدایت آنی رد ءَ جاری گپ ءُ تران ءِ تہ ءَ یک ھاسیں پیشرفت ءِ گمان اِنت۔ ما اولیت ءِ بنیاد ءَ آئی ءِ لوٹ آنی سر ءَ عمل کنگ ءِ سر ءَ جزمیں آئی ءَ مولانا فضل الرحمن ءِ گپ ءُ تران ءَ ھوار بوھگ ءِ پیسلہ ءَ را ساڑات ءُ گیواری ءِ شوھازگ ءِ واستہ جمہوری رھبند ءِ سرا عمل کت۔ آئی ءَ گوشت کہ اے راہ ءِ گچین کنگ ءَ مولانا ءَ پرامن ءُ جوڑیشت ءِ گپ ءُ تران ءِ واستہ وتی جزم ءِ درشان کتگ، ایشی ءَ را راستی ءَ ستا کرزیں گپ انت عقیل احمد ءَ دل یکیمی دات کہ مولانا فضل الرحمن ءِ گوما جیڈھ آناں آئین ءِ تہ ءَ گیش ءُ گیوار کنگ بہ بیت۔ ءُ معاہدہ ملک ءِ قانون ءِ رد ءَ کنگ بنت، جاری جیڈھ آنی قانونی ءُ جائزیں گیشواری ءَ را دل یکیمی کنگ بیت، ءُ آہاں زور پر دات کہ آہاں… وتی جیڑہانی گیش ءُ گیوار ءِ ھاترا گپ ءُ تران ءَ ھوار بہ بئے، اے رھبند ءَ چہ نہ ایوک ءَ پارٹی ءَ را نپ رسیت بلکیں عام مردم ءِ وشھالی ءَ ھم کمک رسیت۔ آئی ءَ گوشت کہ ایشی ءَ چہ گیش جوڑیشت ءُ ھمگرنچیں سیاسی چاگرد ءِ دیمروئی بیت۔
