اقلیتانی کرد پہ ملک ءِ دیمروئی ءَ شموشگ نہ بیت، آ کرسمس ءِ وشیاں ھمکچی  ءَ  ما  شریک آں ، عطا اللہ تارڑ

لاہور۔22دسمبر (اے پی پی): بنجاھی  وزیر اھوالکاری عطا اللہ تارڑ ءَ گوشت کہ ملک ءِ دیمروئی ءِ واستہ اقلیت آنی کرد ءَ را شموشگ نہ بیت آ چاگرد ءِ وشیاں یک پیم ءَ بھر زور اَنت۔ یک شمبے ءِ روچ ءَ وتی حلقہ ءَ برجم داشتگیں کرسمس ءِ مراگش ءَ گوں تران کنان ءَ بنجاھی  وزیر ءِ اھوالکاری ءَ گوشت کہ ملک ءِ دیمروئی ءِ واستہ اقلیت آنی کرد ءَ را چہ شموشگ نہ بیت۔ پاکستان ءِ تہا اقلیتانی رکھینگ ءُ درستیں بنیاتی حق است انت، مسلم لیگ (ن) ءِ حکومت اقلیتانی حقانی رکھینگ ءِ ھاتر ءَ درستیں وسیلگاں کارمرز کنگ ءَ انت آئی ءَ گشتگ کہ عیسائی مئے برات انت، آہانی وشحالی مئے وشحالی انت ما کرسمس ءِ وشحالی ءَ شریک ایں چوشکہ برابر ایں آئی ءَ گوشت کہ آ سرجمیں ھپتگ ءَ عیسائی برات آنی گوما یکجاھی ءَ کرسمس ءِ روچ ءَ برجم دار اَنت ءُ چرچ آنی سر ءَ ھاسیں چراگ روک کنگ بنت۔ من ھما اعتماد ءَ پیلو کنگ ءِ جھد ءَ کناں کہ شما من ءَ ووٹ داتگ ات من ءَ یات انت کہ عیسائی براتاں داتگیں وعدہ زوت بندات کنگ بنت آئی ءَ چرچانی جوڑ کنگ ، مرمت ءُ نوک جوڑ کنگ ءِ یقین دہانی دات ۔  اھوالکاری  ءِ وزیر  ءَ کرسمس ءِ کیک کٹ کت  ءُ عیسائی کمیونٹی ءَ را کرسمس ءِ مبارک بات دات۔