بلوچستان ءِ سر وزیر میر سرفراز بگٹی ءَ کرسمس  ءِ درگت ءَ عیسائی کمیونٹی ءِ واستہ مالی کمک ءِ پیکج ءِ جار جتگ

کوئٹہ۔ 21 دسمبر (اے پی پی):بلوچستان ءِ سر وزیر میر سرفراز بگٹی ءَ کرسمس ءِ درگت ءَ عیسائی براتی ءِ واستہ مالی کمک ءِ پیکج ءِ جار جتگ کہ ایشی ءِ سرکاری رنگ ءَ بلوچستان ءِ اقلیتانی کارانی محکمہ ءَ ھم سرکاری رنگ ءَ جار جتگ۔ جار ءِ رد ءَ پارلیمانی سیکرٹری اقلیت امور سنجے کمار ءِ لوٹ ءِ پد ءَ سر وزیر بلوچستان ءَ عیسائی کمیونٹی ءِ 1000 گریبیں ھاندان آنی مالی کمک ءِ واستہ سمری ءِ منظوری داتگ۔بلوچستان ءِ سر وزیر ءِ اے گامگیج بین المذاہب ہم آہنگی ءُ  گریبیں اقلیت ءِ کمیونٹی ءِ گہبودی ءِ ھاتر ءَ آئی ءِ جزم ءِ درشان ءَ کنت ءُ  کرسمس ءِ موہ ءَ بلوچستان ءِ سر وزیر ءِ اے گامگیج یک برابریں چاگرد ءِ وژن ءِ ثبوت انت۔ بنجاھی وزیر ءِ وژن ایش انت کہ صوبائی حکومت اقلیت آنی وشھالی ءِ واستہ اولویت ءِ بنیاد ءَ گامگیج بہ زوریت ءُ  آوانی دیم ءَ اوشتاتگیں جیڈھ آناں گیواری بہ کنت۔