مزن وزیر محمد شہباز شریف ءَ گوشت کہ ٹیکس دزئی ءُ  کم ٹیکس دیوکیں شوگر ملز ءِ ھلاپ ءَ سکیں  گامگیج کنگ بہ بیت

اسلام آباد۔21دسمبر (اے پی پی):مزن وزیر محمد شہباز شریف ءَ ٹیکس دزئی  ءُ کم ٹیکس دیگ ءِ شوگر ملز ءِ ھلاپ ءَ سک ءُ بے رھبندیں کارروائی ءِ ہدایت کتگ ءُ گوشت کہ راجی خزانہ ءِ ڈیجیٹلائزیشن ءِ واستہ چست کتگیں گامگیجاں چہ ارباں کلڈار ءَ را نپ رسیت۔ ٹیکس ڈیفالٹرز ءَ را ٹیکس نیٹ ءَ آرگ ءُ  ٹیکس ءِ نہ دیگ ءِ وھد ءَ سکیں گامگیج زورگ بہ بیت، ٹیکنالوجی ءِ کارمردی ءِ وسیلگ ءَ ایف بی آر ءِ کارکردگی ءَ را گہتر کنگ حکومت ءِ اولی ترجی اِنت۔شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر محمد شہباز شریف ءِ سروکی ءَ ادا آمدنی ءَ را گہتر کنگ ءِ گامگیج آنی ھوالگ ءَ ھاسیں جائزہ دیوان برجم ڈارگ بوت، ایشی ءِ تہ ءَ مزن وزیر ءَ را تنصیب ءِ ھوالگ ءَ سرپد کنگ بوت۔ ءُ شکر ءِ صنعت ءِ تہا ویڈیو تجزیہ ءِ نگرانی . مزن وزیر ءَ گوشت کہ ٹیکنالوجی ءِ کارمرد ءِ وسیلگ ءَ ایف بی آر ءِ کارکردگی ءَ را گہتر کنگ حکومت ءِ اولی ترجی اِنت، اینالیٹکس ءِ ایر کنگ ءَ پد آمدنی ءِ یکجا کنگ ءَ گہتری کیت، اے اصلاحات ءَ چہ شکر ءِ ذخیرہ کنگ ھلاس بیت ءُ  نرخ آنی مھکم کنگ ءَ کمک رسیت۔مزن وزیر ءَ گوشت کہ ما سکیں کوشست ءَ کنگ ءَ ایں کہ ارزان نہاد ءَ الس ءَ را شکر ءِ سپلائی دل یکیمی کنگ بہ بیت، شکر ءِ اسٹاک ءِ سر ءَ باقاعدہ نگرانی کنگ بہ بیت تانکہ شکر ءِ سپلائی چین ءَ را تاوان مہ رسیت۔ مزن وزیر ءَ ٹیکس دزئی ءُ  کم ٹیکس دیوکیں شوگر ملز ءِ ھلاپ ءَ سک ءُ  بے رھبندیں گامگیج ءِ ہدایت کت ءُ  گوشت کہ ایف بی آر ءِ ڈیجیٹلائزیشن ءِ واستہ گامگیج زورگ ءَ چہ راجی خزانہ ءَ را ارباں کلڈار ءِ کساس ءَ نپ رسیت۔مزن وزیر ءَ ایف بی آر ویلیو چین ءِ سرجمیں ڈیجیٹلائزیشن ءِ کار ءَ را زوتاں چہ زوت سرجم کنگ ءِ ہدایت کتگ آئی ءَ ٹیکس ءِ زرّ ءِ دات نہ کنوکیں مردم آناں ٹیکس نیٹ ءَ آرگ ءِ ھم پرمان داتگ ءُ  ٹیکس ءِ نہ دیگ ءِ جاور ءَ سکیں گامگیج زورگ ءِ ھم پرمان داتگ۔ تمباکو ءِ صنعت ءِ ویڈیو تجزیہ ءِ کار ءَ را زوتاں چہ زوت سرجم کنگ ءَ گند ءُ نند ءِ تہ ءَ بنجاھی   وزیر اقتصادی امور احد خان چیما، بنجاھی   وزیر اطلاعات ءُ نشریات عطا اللہ تارڑ ، وزیر مملکت ءِ مالیات علی پرویز ملک ءُ سیادی ڈاروکیں مزنیں حکومتی کارندہ آنی  بھر زوری۔