مزن وزیر محمد شہباز شریف ءَ ہدایت کت کہ بنی آدم آنی شپوکی کنگ ءِ ھوالگ ءَ جاری پٹ ءُ پول ءَ را زوتاں چہ زوت سرجم کنگ بہ بیت، آسراتی ءِ پجار کنگ بہ بیت ءُ آہانی حلاف ءَ سکیں گرانیں کارروائی کنگ بہ بیت

اسلام آباد۔20دسمبر  (اے پی پی): مزن وزیر محمد شہباز شریف ءَ انسانی سوداگری ءِ ھوالگ ءَ جاری پٹ ءُ پول ءَ را زوتاں چہ زوت سرجم کتگ ءُ ٹھوس سفارشات پیش کتگ، آسراتی ءِ تہ ءَ ھواریں ایف آئی اے ءِ کارندہ آنی پجار ءُ آھانی ھلاپ ءَ سکیں گامگیج چست کنگ ءُ قاچاق ءِ ھوالگ ءَ۔ تنظیماں ہدایت کنگ بوتگ کہ آ انسانی سوداگری ءِ گر ءُ دار ءِ ھاتر ءَ یکے دومی ءَ گوں رابطہ ءَ را گیش گہتر بہ کن انت۔ دیوان ءِ برجم دارگ بوت مزن وزیر ءَ گوشت کہ انسانی دزگیری پاکستان ءِ واستہ سک باز بدنامی ءِ سوب جوڑ بیت۔ آئی ءَ سیادی داروکیں ادارگ آناں انسانی دزگیری ءِ گر ءُ دار ءِ واستہ وتی رابطہ آناں گیش گہتر کنگ ءِ ہدایت کتگ ءُ گوشت کہ 2023 ءِ کشتی ءِ الٹ بوھگ ءِ حادثہ ءَ پد زمہ وار آنی حلاف ءَ سک کم کارروائی کنگ بوتگ، زمہ واریں افسر آنی حلاف ءَ سختیں کارروائی کنگ بیت۔ انسانی سوداگری ءِ آسراتی ءِ تہ ءَ ھواریں کارندہ ءُ  آھانی ھلاپ ءَ سکیں گامگیج چست کتگ ءُ  انسانی سوداگری ءِ ھوالگ ءَ جاری پٹ ءُ  پول ءَ را زوتاں چہ زوت سرجم کنگ ءَ ٹھوس سفارش کتگ۔ دیوان ءَ یوننان ءِ کشتی ءِ وئیل ءِ گر ءُ دار ءِ گامگیج آنی بابت ءَ بریفنگ دیگ بوتگ بریفنگ ءِ ساھت ءَ گوشگ بیت کہ یوننان ءِ کشتی ءِ وئیل ءَ بیران بوتگیں پنچ پاکستانی پجار کنگ بوتگ The Pakistani. ایتھنز ءِ سفارتخانہ کشتی ءِ حادثہ ءِ بابت ءَ یونان ءِ واکداراں گوں مدام رابطہ ءَ انت۔ +30-6943850188 ءُ وزارت ءِ درئی کارانی کرائسس مینجمنٹ یونٹ ءَ گوں 0519207887 ءِ نمبر ءَ رابطہ کنگ بیت۔ بریفنگ ءِ تہا اے گپ ءِ ہم ذکر کنگ بوتگ کہ گجرانوالہ، گجرات، ساولکوٹ ءُ  منڈی بہاؤ الدین ءِ ضلع انسانی سوداگری ءِ گیشتریں آماچ انت، ءُ  انسانی سوداگری ءِ گر ءُ  دار ءِ ھوالگ ءَ کانود سازی ءَ را گہتر کنگ بوھگ ءَ انت۔ گند ءُ نند ءَ نائب مزن وزیر ءُ دری کارانی وزیر اسحاق دار، وفاقی وزیر اقتصادی امور احد خان چمہاب، وفاقی وزیر ءِ اھوالکاری ءُ شنگکاری عطا اللہ ترار، مزن وزیر ءِ کوآرڈینیٹر رانا احسان افضل ءُ سیادی داروکیں مزن مزنیں حکومتی کارندہ آنی بھر زوری بوتگ۔ گند ءُ نند ءَ یونان ءَ چہ پاکستان ءِ سفیراں ویڈیو لنک ءِ وسیلگ ءَ بہر زرت۔