سرمایہ کاری ءِ واستہ ٹارگٹ جوڑ کنگ بہ بیت کہ آ زوتاں چہ زوت سرجم کنگ بہ بنت، سرمایہ کار آناں را وتی نیمگ ءَ رازیگ کنگ ءِ واستہ موثر مارکیٹنگ ناگزیر اِنت، مزن وزیر محمد شہباز شریف

اسلام آباد۔20دسمبر  (اے پی پی): مزن وزیر محمد شہباز شریف ءَ گوشت کہ سرمایہ کاری ءِ واستہ اے وڑیں ٹارگٹ جوڑ کنگ بہ بنت کہ آ زوتاں چہ زوت سرجم کنگ بہ بنت براؤنی سرمایہ کار آناں را وتی نیمگ ءَ رازیگ کنگ ءِ واستہ ناگزیر انت۔ مراکز ءَ را زوتاں چہ زوت ءُ  کاروبار ءِ واستہ سازگاریں چاگرد ءِ پھجارینگ ءِ واستہ ریگولیٹری اصلاحات ءِ سر ءَ کار کنگ بہ بیت۔ جمعہ ءِ روچ ءَ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ بورڈ آف انویسٹمنٹ ءِ چیر دستی ءَ جاری منصوبگ ءُ  جتا جتائیں گامگیج آنی دیمروئی ءِ ھوالگ ءَ چار ءُ  تپاسی دیوان برجم دارگ بوت۔ مزن وزیر ءَ ہدایت کت کہ ملک ءَ کاروبار ءِ آسراتی ءِ مراگش جوڑیشت ءَ را زوتاں چہ زوت سرجم کنگ بہ بیت ءُ  ملک ءَ کاروبار ءِ واستہ سازگاریں چاگرد پجارینگ ءِ واستہ ریگولیٹری اصلاحات ءِ سر ءَ کار کنگ بہ بیت۔ مزن وزیر ءَ گوشت کہ میاں اوستمانی سرمایہ کار آنی گوما سرجمیں بی ٹو بی معاہدہ ءُ  دستخط کتگیں مفاہمت نامہ آنی سر ءَ عمل درآمد ءِ واستہ یک جوانیں ءُ  سرجمیں روڈ میپ ءِ پجاری کنگ بہ بیت۔ آئی ءَ گوشت کہ سرمایہ کاری ءِ واستہ اے وڑیں ٹارگٹ ایر کنگ بہ بنت کہ آ زوتاں چہ زوت سرجم کنگ بہ بنت، پاکستان ءَ سرمایہ کاری ءِ موہ آنی موثر مارکیٹنگ درملکی سرمایہ کار آناں را وتی نیمگ ءَ رازیگ کنگ ءِ واستہ ناگزیر اِنت، کاروباری آسراتی ءِ مراگش آنی جوڑیشت , روڈ شوز ءِ برجائی ءُ  ایندگر گامگیج آنی واستہ سک باز المی اِنت۔ ملک ءَ درملکی سرمایہ کاری ءَ آرگ بہ بیت۔ مزن وزیر ءَ را بریفنگ ءِ تہ ءَ من ءَ گوشگ بوت کہ ملک ءِ تہ ءَ 35 ھاسیں اقتصادی زون جغرافیائی انفارمیشن سسٹم (جی آئی ایس) ءِ وسیلگ ءَ سروے کنگ بوتگ 18نکاتی منصوبگ جوڑ کنگ بوتگ تانکہ زون آناں گیش کارآمد جوڑ کنگ بوتگ، ایشی ءِ تہ ءَ 200 ءَ چہ گیش زون ھوار اَنت۔ بی ٹو بی ءِ معاہدہ یک چہ گیش چیا کمپاؤنڈز ءِ گوما دستخط کنگ بوتگ انت۔ رستگ انت ءُ 70 ملین ڈالر ءِ مفاہمت نامہ ءِ سرا دستخط کنگ بوتگ۔ دیوان ءَ کاروبار ءِ آسراتی ءِ ایکٹ 2024 ءِ ھوالگ ءَ تجویز آناں دیم ءَ برگ بوت کہ کاروبار ءِ آسراتی ءِ ایکٹ 2024 ءِ چیر دستی ءَ بورڈ آف انویسٹمنٹ ملک ءَ کاروبار ءِ آسراتی ءِ واستہ ریگولیٹری فریم ورک ءَ را ھما وھد ءِ لوٹ آنی رد ءَ منظم کنگ ءِ ھاترا توانمند بیت۔ گند ءُ  نند ءَ وفاقی وزیر برائے نجکاری عبدالعلم خان ءُ  ہمگرنچیں ادارگ آنی مزنیں افسر ہم ساڑی اتنت۔