اسلام آباد۔20دسمبر (اے پی پی): بنجاھی وزیر تجارت جام کمال خان ءَ چہ لوٹ کتگ کہ آ برآمدات ءِ ھوالگ ءَ ھاسیں جیڈھ آنی سر ءَ پیشرفت ءِ چار ءُ تپاسی ءَ بہ کنت ءُ آیوکیں وھد ءَ برآمدات ءَ را گیش کنگ ءِ واستہ یک سرجمیں حکمت عملی ءِ رد ءَ بہ کنت۔ ایگزیکٹو کمیٹی ءِ دومی دیوان ءِ سروکی ءَ کتگ۔ جمعہ ءِ روچ ءَ برجم داشتگیں دیوان ءَ وزارت پٹرولیم ڈویژن ءَ تجویز پیش کتگ کہ برآمدی مارکیٹ آنی بہا آناں رقابتی جوڑ کنگ بہ بیت۔ تجویز ءِ رد ءَ اے گامگیج ءَ چہ برآمد کنوک توانائی ءِ ھرچ ءُ درچ ءِ چیلنج آنی گوما گر ءُ چیل بوھگ ءُ دراجیں مدتی منصوبگ بندی ءُ پائیداری ءِ ھاترا کمک رسیت۔ دیوان ءَ این ای ڈی بی ءِ گوستگیں دیوان آنی تہ ءَ کنگ بوتگیں فصل آنی جاور ھال آنی سر ءَ ھم چار ءُ تپاسی کنگ بوت۔ بنجاھی وزیر تجارت ءَ زیر التوا جیڈھ آنی گیواری ءِ ہدایت کتگ۔ گند ءُ نند ءِ تہ جام کمال خان ءَ تجویز پیش کت کہ بنجاھی وزیر آناں این ای ڈی بی ءِ فریم ورک ءِ تہ ءَ ھوار کنگ بہ بیت تانکہ ھمگرنچی ءَ را گیش کنگ ءُ برآمداتی دیمروئی ءِ مول ءُ مراد آنی گوما صوبائی ھمگرنچی ءَ را گیش کنگ بہ بیت۔ آئی ءَ گوشت کہ نزیکیں وھد ءَ مزن وزیر وت این ای ڈی بی ءِ دیوان آنی سروکی ءَ کنت۔ دیوان ءِ آسر ءَ برآمداتی چیلنج آناں یکجائی ءَ گوں گر ءُ چیل بوھگ ءُ ملک ءِ برآمداتی شوبگ ءِ سرجمیں توانائی آناں کارمرد کنگ ءِ جزم ءِ گوما آسر بوت۔
