اسلام آباد۔20دسمبر (اے پی پی): پاکستان کرکٹ بورڈ ءِ چیئرمین محسن نقوی ءَ راجی کرکٹ ٹیم ءَ را جنوبی افریقہ ءِ ھلاپ ءَ دومی یک روچی میچ ءُ سیریز ءِ سوبمندی ءِ سر ءَ مبارک بات داتگ ءُ گوشت کہ راجی ٹیم ءِ کھڈکاراں وتی ملک ءَ جنوبی افریقہ ءَ را شکست داتگ آئی ءَ جوانیں کارکردگی پیش داشتگ۔ جمعہ ءِ روچ ءَ وتی بیان ءِ تہ ءَ وزیر داخلہ محسن نقوی ءَ گوشت کہ کھڈکار آناں جوانیں ٹیم ورک ءِ درشان کنگ ءَ چہ سیریز سوبمند بوتگ۔ محمد رضوان، بابر اعظم ءُ کامران غلام ءَ جوانیں گوازی ءَ گوں سوبمندی ءِ بُن ھشت ایر کتگ۔ اے سوبمندی ءَ چہ کھڈکارانی حوصلہ گیش بیت۔ امیت انت کہ پاکستانی ٹیم چیمپئنز ٹرافی ٹورنامنٹ ءَ ھم اے رنگیں جوانیں کارکردگی پیش دار ایت۔
