اسلام آباد۔19دسمبر (اے پی پی): پاکستان ءَ ازبکستان ءِ سفیر علی شیر توختیف ءَ پنچ شمبے ءِ روچ ءَ راجی ھال رسانکی ادارگ “ایسوسی ایٹڈ پریس آف پاکستان” ءِ تر ءُ تاب کتگ ءُ اے پی پی ءِ منیجنگ ڈائریکازبکستان ءِ سفیر علی شیر توختیوف ءَ اے پی پی ءِ تر ءُ تاب کتگ، ایم ڈی محمد عاصم کھچی ءَ گوں گند ءُ نند کتگ، دو نیمگی میڈیا کمک ءِ بابت ءَ گپ ءُ تران کتگٹر محمد ءَ عاصم کھچی ءِ گوما دو نیمگی رسانکدر ءِ کمک ءُ وت مہ وتی ادارگی تجربگ آنی سر ءَ گپ ءُ تران کتگ۔ . گند ءُ نند ءِ ساھت ءَ اے پی پی ءُ دوئیں ملک آنی راجی ھال رسانکی ادارگ ازبکستان نیشنل نیوز ایجنسی ءِ نیام ءَ یک مفاہمت نامہ ءِ سر ءَ دستخط کنگ ءِ سر ءَ ھم تپاک کنگ بوت۔
ازبکستان ءِ سفیر ءَ گوشت کہ دوئیں ملک آنی نیام ءَ سیادی آنی تہ ءَ وت مہ وتی ھال آنی مٹ ءُ بدلی ءِ تہ ءَ میڈیا ءِ کرد سک باز المی اِنت ایشی ءِ تہ ءَ دوئیں ملک آنی نیام ءَ کمک ءَ را گیش گیش کنگ ءِ ضلورت اِنت۔ آئی ءَ گوشت کہ ازبکستان ءِ سرکاری ھال رسانکی ادارگ وزدا ءُ اے پی پی ءِ نیام ءَ ھال ءُ اھوال آنی وت مہ وتی تبادلہ ءِ مزنیں امکان است انت ءُ مفاہمت نامہ ءِ سر ءَ دستخط کنگ ءِ عمل ءَ را گڈی رنگ ءَ دیگ ءِ ضلورت انت۔ آئی ءَ گوشت کہ پاکستان ءُ ازبکستان ءِ نیام ءَ میڈیا ڈل آنی تبادلہ بہ بیت تانکہ دوئیں ملک آنی میڈیا ہاؤس یکے دومی ءِ گوما گیش نزیک بہ بنت۔ ازبکستان ءِ سفیر علی شیر توختیف ءَ گوشت کہ اسلام آباد ءَ ازبکستان ءِ سفارت خانہ ءَ ویزہ ءِ سادہ ءُ آسانیں آسراتی پجاری کنگ ءَ انت۔ ایشی ءَ ابید دوئیں ملک آنی نیام ءَ براہ راست بالی گراب آنی تہ ءَ انوگیں وھد ءَ بندات بوتگ کہ ایشی ءَ را رسانکدر ءَ دیم ءَ آرگ لوٹ ایت۔ ازبکستان ءُ پاکستان ءِ نیام ءَ براہ راست بالی آپریشن نومبر 2024 ءَ پدا بندات بوتگ انت، دو مزنیں شہر تاشقند ءُ لاہور ءَ را یکجا کنگ ءَ انت، دوئیں ملک آنی نیام ءَ کمک ءَ را گیش مھکم کنگ ءِ مول ءُ مراد ءَ گوں , تجارتی ءُ اقتصادی سیادی ءَ را نوکیں تک ءَ سر کنگ ءُ 2024 ءِ آسراتی ءِ ھاتر ءَ۔ سفر. ازبکستان ءِ سفیر ءَ گوشت کہ اے پیسلہ ءَ چہ نہ ایوک ءَ دوئیں ملک آنی نیام ءَ سیل ءُ سواد آسان بوتگ، بلکینگ ءَ سیل ءُ سواد ءِ انڈسٹری ءِ واستہ السی سیادی ءَ ابید نوکیں موہ پیداک بنت۔ علی شیر توختیف ءَ گوشت کہ ازبکستان دود ءُ ربیدگی، راجدپتری ءُ قدرتی ورثہ ءِ واھندیں ملک اِنت کہ اودا سیل ءُ سواد ءِ واستہ بے دروریں موہ است اَنت۔ ما وتی پاکستانی دوستاں گوں وتی مشترکہ راجدپتری ورثہ، زیبائیں دود ءُ ربیدگ ءُ منفردیں سیل ءُ سواد ءِ موہ آناں بھر ءُ بانگ کنگ ءِ ودار ءَ ایں ۔ آئی ءَ گوشت کہ ازبکستان ءُ پاکستان ءِ نیام ءَ ٹرانسپورٹ ءِ سیادی نہ ایوک ءَ دوئیں ملک آنی واستہ بلکینگ ءَ سرجمیں دمگ ءِ واستہ اسٹریٹجک ارزشت ءِ واھند انت۔ ازبکستان، پاکستان ءُ اوگانستان ءِ حکومت یکجائی اقتصادی ءُ بنیاتی ڈھانچہ ءِ منصوبگ آنی سر ءَ عمل کنگ ءِ تہ ءَ سرگرمیں رنگ ءَ کمک کنگ ءَ اَنت ءُ ایشی ءِ تہ ءَ یکے ٹرانس افغان ریلوے ءِ جوڑیشت اِنت ریلوے منصوبگ ءِ میان اُستمانی ءُ جنوبی ایشیا ءِ نیام ءَ دمگی رابطہ ءِ بحالی ءِ تہ ءَ ھاسیں کرد اِنت۔ . آٹوموبیل روٹ آنی دیمروئی ءِ تہ ءَ بازیں یکجائی منصوبگ آنی سر ءَ کار کنگ بوھگ ءَ اِنت کہ ھاسیں رنگ ءَ کثیر جہتی ٹرانسپورٹ ءِ راہداری ”بیلاروس-روس-قازقستان-ازبکستان“ ءِ سر ءَ کار کنگ بوھگ ءَ اِنت۔ اوگانستان ءُ پاکستان ءِ دیمروئی ءِ ھوالگ ءَ میاں اوستمانی کمک ءِ منصوبگ ءَ را جوانیں رنگ ءَ دیم ءَ برگ بوھگ ءَ انت۔ اے موہ ءِ سر ءَ اے پی پی ءِ منیجنگ ڈائریکٹر محمد عاصم کھچی ءَ گوشت کہ پاکستان ءُ ازبکستان ءِ نیام ءَ راجدپتری، مذھبی ءُ دود ءُ ربیدگی سیادی ءِ گوں بندوک انت کہ ایشی ءِ تہ ءَ راجدپتری رِد ءُ بند گہتر انت۔ آئی ءَ گوشت کہ اسلامی راجدپتر ءَ تاشقند، سمرقند ءُ بخارا سک باز المی انت ءُ مئے پیرین سداں سال ءَ چہ اے شہراں گوں ھمگرنچ بوتگ انت۔ منیجنگ ڈائریکٹر اے پی پی ءَ گوشت کہ نیشنل نیوز ایجنسی میڈیا ءِ تک ءَ پاکستان ءُ ازبکستان ءِ نیام ءَ دو نیمگی سیادی آناں دیمروئی دیگ ءِ واستہ سرجمیں کمک ءَ کنت۔ محمد عاصم کھچی ءَ گوشت کہ ازبکستان ءِ گڈی تر ءُ تاب ءِ موہ ءَ ما دوئیں ملک آنی سرکاری ھال رسانکی ادارگ آنی نیام ءَ کمک ءِ منگ نامہ ءِ سر ءَ گپ ءُ تران کت، ایشی ءَ را گڈی رنگ ءَ جوڑ کنگ ءِ ضلورت انت۔
