مزن وزیر محمد شہباز شریف ءَ گوشت کہ انڈونیشیا پاکستان ءِ مندیں  تجارتی شریک اِنت ءُ آئی ءِ گیشتریں وردن ءِ تیل درآمد کنگ بیت

قاہرہ۔19دسمبر  (اے پی پی): مزن وزیر محمد شہباز شریف ءَ گوشت کہ انڈونیشیا پاکستان ءِ شرپ مندیں  تجارتی شریک اِنت، آ چہ ایشی ءَ گیشتریں ورگ ءِ تیل ءِ لوٹ درآمد کن اَنت۔ اے ھیالانی درشانی آئی ءَ سروک دیوان ءِ ساھت ءَ انڈونیشیا ءِ صدر پرابو سوبیانتو ءَ گوں تران کنان ءَ کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ گند ءُ نند ءِ ساھت ءَ مزن وزیر محمد شہباز شریف ءَ پرابو سوبیانتو ءَ را انڈونیشیا ءِ صدر ءِ اگدہ ءِ سر ءَ مبارک بات داتگ دوئیں سروک آنی نیمگ ءَ گند ءُ نند ءِ ساھت ءَ دو نیمگی سیادی ءَ ھوار وت مہ وتی دلچسپی ءِ جیڈھ آنی سر ءَ تران کنگ بوتگ۔ ایشی ءِ تہ ءَ سیاسی، تجارتی ءُ اقتصادی جیڈھ آنی ھوار کثیر جہتی فورم آنی سر ءَ کمک ھوار اِنت۔ دوئیں رہشوناں دو نیمگی سیادی ءَ را برجم دارگ ءِ واستہ نزیکیں رابطہ ءِ سر ءَ تپاک کتگ وھدیکہ مزن وزیر محمد شہباز شریف ءَ گوشت کہ انڈونیشیا پاکستان ءِ معتبریں تجارتی شریک اِنت۔ آئی ءَ ھاسیں رنگ ءَ پام آئل ءِ سپلائر ءِ بستار ءَ انڈونیشیا ءِ کرد ءِ توسیپ کت پرچا کہ پاکستان وتی گیشتریں ورگ ءِ تیل ءَ انڈونیشیا ءَ چہ درآمد کنت۔ آسیان ءُ ایشی ءِ باسکیں ملک آنی گوما سیادی ءِ تہ ءَ پاکستان ءِ گہتری ءِ درشان کنان ءَ مزن وزیر محمد شہباز شریف ءَ پاکستان ءِ آسیان ءِ شوبگ ءِ شریک ءِ بستار ءُ آسیان ءِ دمگی فورم ءِ باسک بوھگ ءِ واستہ انڈونیشیا ءِ کمک ءَ را ساڑات۔ مزن وزیر ءَ امیت سہرا کت کہ پاکستان انڈونیشیا ءِ کمک ءُ کمک ءَ گوں آسیان ءِ سرجمیں گپ ءُ تران ءِ شریک جوڑ بیت۔ بے مٹیں حمایت ءِ پدا پدر کنگ، غزہ ءَ جنگ بندی ءُ فلسطین ءِ جیڈھ ءِ گیواری ءِ ھاترا یک جامعیں رھبند ءِ لوٹ کنگ۔ دوئیں رہشوناں یک آجوئیں فلسطینی ریاست ءِ جوڑ کنگ ءِ حمایت ءِ سرا زور دات کہ ”کہ آئی ءِ تہا 1967 ءَ پیسر ءِ سیمسر ءُ القدس الشریف ءِ دارالحکومت بہ بیت۔