قاہرہ۔18دسمبر (اے پی پی):مزن وزیر ڈی 8 سروک دیوان ءَ بہر زورگ ءِ واستہ قاہرہ ءَ سر بوتگ۔ چار شمبے ءِ روچ ءَ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف مصر ءِ سرکاری تر ءُ تاب ءَ قاہرہ ءَ سر بوتگ تانکہ پاکستانی ڈل ءِ سروکی ءَ 8 دیمروئی کنوکیں ملک آنی 11می سروک دیوان ءَ بہ کنت کہ ایشی ءَ چہ 2020 ءَ قاہرہ ءَ برجم دارگ بیت۔ دسمبر ءَ بگر داں 19 ءَ۔ جمہوریہ عرب مصر ءِ پبلک بزنس سیکٹر ءِ وزیر محمد شامی ءُ قاہرہ ءَ پاکستانی سفارتخانہ ءِ کارندہ آں بالی پٹ ءَ مزن وزیر ءَ را وش اتک کت۔ 11می ڈی 8 سروک دیوان ءِ بنگپ ’’ورنا آنی تہ ءَ سرمایہ کاری ءُ کسان ءُ میان استمانی کاروباری ادارگ آناں دیمروئی دیگ: باندا ءِ معیشت ءِ جوڑ کنگ‘‘ اِنت ایشی ءِ تہ ءَ ایم ای زیڈ ءِ تہ ءَ سرمایہ کاری ءِ ارزشت ءِ سر ءَ گپ ءُ تران کنگ بیت۔ مزن وزیر غزہ ءُ لبنان ءَ انسانی بحران ءُ نوک جوڑیشت ءِ چیلنج آنی ھوالگ ءَ ڈی 8 ءِ ھاسیں سروک دیوان ءَ ھم بھر زوری کنت ایشی ءِ تہ ءَ میاں اوستمانی تک ءَ اسرائیل ءِ زوراکی ءَ چہ پیداکیں جاور ھال آنی سر ءَ گپ ءُ تران کنگ بیت۔ سروک دیوان ءِ موہ ءَ مزن وزیر ءِ نیمگ ءَ بھر زوروکیں سروک آنی گوما دو نیمگی گند ءُ نند ءِ امیت انت۔ پاکستانی ڈل ءِ تہ ءَ نائب مزن وزیر ءُ دری کارانی وزیر محمد اسحاق ڈار ءُ وفاقی وزیر ءِ اھوالکاری ءُ شنگکاری عطا اللہ ترار ھوار انت۔ 1997 ءَ استنبول ءَ جوڑ بوتگیں اقتصادی کمک ءُ دیمروئی ءِ گل کہ دیمروئی کنوکیں 8 ءِ نام ءَ ھم زانگ بیت، بنگلہ دیش، مصر، انڈونیشیا، ایران، مالیزیا، نائیجیریا، پاکستان ءُ ترکی ءِ نیام ءَ دیمروئی کمک ءِ گل اِنت۔ اے تنظیم ءِ مول ءُ مراد باسکی ملک آنی نیام ءَ اقتصادی کمک ءَ را گیش کنگ اِنت تانکہ اقتصادی دیمروئی ءَ را گیش کنگ ءُ کشت ءُ کشاری، تجارت، ٹرانسپورٹ، صنعت، توانائی ءُ سیل ءُ سواد ءِ پڑ ءَ کمک ءَ را گہتر کنگ ءُ گیش کنگ ءِ سر ءَ دلگوشی دیگ بہ بیت۔
