کوئٹہ۔ 18 دسمبر (اے پی پی):مزن وزیر ورنا پروگرام ءِ چیئرمین رانا مشہود احمد خان ءَ وتی کارگس ءَ وائس چانسلر بلوچستان یونیورسٹی آف انفارمیشن ٹیکنالوجی اینڈ مینجمنٹ سائنسز پروفیسر ڈاکٹر خالد حفیظ ءَ گوں گند ءُ نند کت۔ ایشی ءَ چہ پیسر مزن وزیر پاکستان یوتھ پروگرام ءِ چیئرمین رانا مشہود احمد خان بیوٹمز یونیورسٹی ءَ سر بوتگ ات اودا وائس چانسلر ڈاکٹر خالد حفیظ ءَ آئی ءَ را وش اتک کتگ ات۔ ایشی ءَ پد وائس چانسلر ءِ کارگس ءَ رانا مشہود احمد خان ءُ وائس چانسلر ڈاکٹر خالد حفیظ ءِ گند ءُ نند ءَ بیوٹمس یونیورسٹی ءِ ھوالگ ءَ گپ ءُ تران بوتگ ۔ رانا مشہود احمد خان ءَ گوشت کہ وانگ ءُ زانگ ءِ تہ ءَ بائیوٹم ءِ ھاسیں کرد انت۔ نوکیں ٹیکنالوجی ءِ دور ءَ نودربر آناں نوکیں زانت ءِ وسیلگ ءَ لیس کنگ وھد ءِ مستریں لوٹ اِنت ءُ اے درگت ءَ ءِ بنجاھی حکومت ءِ نیمگ ءَ سنگینیں گامگیج چست کنگ بوھگ ءَ اِنت۔
