اسلام آباد۔18دسمبر (اے پی پی):مزن وزیر محمد شہباز شریف ءَ باندا ءِ معیشت ءِ واستہ ورنا، کسانیں ءُ میاں اوستمانی تبک ءِ کاروبار آنی تہ ءَ سرمایہ کاری ءِ سرھال ءِ سر ءَ قاہرہ ءَ 11می دیمروئی کنوکیں ملک آنی دیوان ءِ بندوبست کت۔ سروک دیوان ءَ بھر زوری ءِ واستہ سئے روچی سرکاری تر ءُ تاب ءِ رد ءَ مزن وزیر کارگس ءِ میڈیا ونگ ءِ نیمگ ءَ چار شمبے ءِ روچ ءَ جاڑی بوتگیں بیان ءِ رد ءَ مزن وزیر ءَ سروک دیوان ءَ پاکستان ءِ نمائندگی کتگ ءُ روزگار ءِ پھجارینگ، نوآبادیاتی ءُ بنجاہی دیمروئی ءِ تہ ءَ پاکستان ءِ نمائندگی کتگ۔ مزن وزیر کاروباری دیمروئی ءِ بنیات ءَ یک مھکمیں ءُ شریکداری ءِ بنیاد ءَ معیشت ءِ واستہ ورنا، کسانیں ءُ میاں اوستمانی کاروباری ادارگ آنی تہ ءَ سرمایہ کاری ءِ ارزشت ءِ سر ءَ زور پر دنت مزن وزیر کمکی ءُ رھبند آنی سر ءَ عمل کنگ ءِ واستہ پاکستان ءِ مھکمیں جزم ءِ درشان ءَ کنت۔ مزن وزیر کانفرنس ءَ بہر زوروکیں ملک آنی نیام ءَ کشت ءُ کشاری، فوڈ سیکیورٹی ءُ سیل ءُ سواد ءِ پڑ ءَ کمک ءِ ارزشت ءِ سر ءَ زور پر دنت تانکہ مزن وزیر ورنا آناں توانمند کنگ بہ بیت۔ مزن وزیر پاکستان ءِ اقتصادی دیمروئی ءِ واستہ حکومت ءِ نیمگ ءَ چست کتگیں گامگیج آنی سر ءَ ھم رژنائی ءِ شنگ کنت مزن وزیر اسرائیل ءِ زوراکی ءُ بربریت ءِ آسر ءَ میاں اوستمانی تک ءِ جاورھال ، انسانی بحران ءُ نوک جوڑیشت ءِ سر ءَ ھم گپ ءُ تران کنت۔ ءُ غزہ ءُ لبنان ءَ ڈی 8 ءِ ھاسیں دیوان ءَ بحالی ءِ جیڈھ آنی سر ءَ بھر زوری کنت۔ مزن وزیر میاں اوستمانی تک ءَ امن ءِ برجائی ءِ سر ءَ زور پر دنت وھدیکہ فلسطین ءِ ھوالگ ءَ پاکستان ءِ اصولی موقف ءِ بابت ءَ سرپد کنت، ءِ بنجاھی وزیر ءِ ھال ءُ اھوال عطا اللہ تارڑ ءُ ھاسیں کمکار طارق فاطمی ءِ گوما کانفرنس ءَ بھر زوری کنت۔
