اقوام متحدہ۔18دسمبر (اے پی پی):اقوام متحدہ ءِ جنرل اسمبلی ءَ وت واجئی ءِ حق ءِ منوگری ءِ بابت ءَ پاکستان ءِ نیمگ ءَ پیش کتگیں قرارداد ءَ را تپاکی ءَ گوں منظوری داتگ۔ قرارداد ءِ متن گوستگیں ماہ ءَ 193باسکی اقوام متحدہ ءِ جنرل اسمبلی ءِ سیمی کمیٹی ءَ چاگردی، انسانی ءُ دود ءُ ربیدگی جیڈھ آنی بابت ءَ سفارش کتگ۔ اقوام متحدہ ءِ تہا پاکستان ءِ دائمی نمائندہ منیر اکرم ءَ گوستگیں روچ ءَ راجی ھال رسانکی ادارگ اے پی پی ءِ نمائندہ ءَ گوں تران کنان ءَ گوشت کہ اے قرارداد ءِ تہ ءَ یک انچیں دگنیا ءِ ھیال ءُ لیکہ کنگ بوتگ کہ اودا ھر راج، ھر چاگرد ءُ ھر یک مردمے گوں شرپ ءُ شان ءَ زلم ءُ زوراکی ءِ آجوئی ءُ بااختیار بہ بیت۔ وتی مقدر ءِ تعین کنگ ءِ ھاترا۔ پاکستان 1981 ءَ چہ اے قرارداد پیش کنگ ءَ اِنت کہ فلسطین ءُ ہندوستان ءِ ناجائزیں قبضہ ءِ جموں ءُ کشمیر ءَ ھوار راج ءِ نیمگ ءَ دگنیا ءِ دلگوش ءَ بہ کنت کہ آ انگت ءَ وتی وت واجھی ءِ ناگزیریں ھک ءِ رسگ ءِ ھاترا جھد کنگ ءَ اَنت۔ اے قرارداد ءِ تہ ءَ 65 ملک آنی ھمراھی ءَ چہ ملک آناں لوٹ کنگ بوتگ کہ آ درملکی ملک ءُ دمگ آنی سر ءَ درملکی فوجی مداخلت ءُ قبضہ ءِ ھوار زوراکی، تبعیض ءُ سوءاستفادہ ءِ کار آناں زوت بند بہ کن اَنت۔ پاکستانی نمائندہ ءَ اے گپ ءِ سر ءَ دلگوش گور کت کہ پاکستان ءِ نیمگ ءَ چہ ”راج آنی وت واجہی ءِ ھک ءِ جھان ءِ درانگازی“ ءِ سر ءَ پیش کتگیں قرارداد ءِ منگ وت واجہی ءِ ھک ءِ جھان ءِ ءُ نا بہر ءُ بانگ ءِ درشان اِنت۔ آئی ءَ گوشت کہ اے قرارداد ءَ چہ ھما مردمانی شرپ ءِ احترام کنگ بیت کہ آ ظلم ءِ ھلاپ ءَ دیم ءَ اوشتاتگ اَنت ءُ دائمی قبضہ ءِ تہ ءَ ھواریں مردمانی واستہ یکوئی ءُ کمک ءِ یک زوراکیں نشانی اِنت، چوش کہ ناجائزیں بھارتی قبضہ ءِ چیر دستی ءَ جموں ءُ کشمیر ءِ اُلس ءَ را یک پیغامے ھست۔ آئی ءَ گیش گوشت کہ ما اے گپ ءَ چہ شموشگ مہ لوٹ ایں کہ وت واجھی ءِ ھک ایوک ءَ راجدپتر یا انوگیں ساھت ءِ جیڈھ نہ اِنت بلکیں آیوکیں وھد ءِ جوڑ کنگ ءِ جیڈھ اِنت۔ وتی شرطانی رد ءَ اے قرارداد ءَ جنرل اسمبلی ءِ درملکی فوجی مداخلت ، تجاوز ءُ قبضہ ءِ کارانی ھلاپ ءَ سکیں مخالفت ءِ ھم جار جتگ کہ آھانی آسر ءَ دگنیا ءِ لھتیں دمگاں مردمانی وت واجہی ءِ ھک ءُ دگہ انسانی ھکانی سر ءَ زوراکی کنگ بیت۔ دپ کپتگ۔ قرارداد ءَ ذمہ واریں ملک آناں لوٹ کتگ کہ آ وتی فوجی مداخلت ءُ درملکی ملک ءُ دمگ آنی سر ءَ قبضہ کنگ ءِ ھوار زوراکی، تبعیض، استحصال ءُ بدسلوکی ءِ درستیں کار آناں زوت بند بہ کن اَنت ایشی ءَ اے کارروائی آنی سبب ءَ بے لوگ بوتگیں مردمانی نگیگیں جاور آنی سر ءَ ھم زار شانی کنگ بوتگ۔ ءُ وتی رضاکارانہ طور ءَ وتی لوگاں گوں ایمنی ءُ شرپ ءَ واتر بوھگ ءِ حق ءِ تصدیق کتگ شورا ءَ چہ لوٹ کنگ بوتگ کہ آانسانی حقانی لگتمالی ءِ آسر ءَ ، ھاسیں رنگ ءَ درملکی فوجی مداخلت ، تجاوز یا قبضہ ءِ آسر ءَ وت واجہی ءِ حق ءِ سر ءَ ھاسیں دلگوش دیگ بہ بیت ۔
