ریاض۔18دسمبر (اے پی پی): بنجاھی داخلہ ءِ وزیر محسن نقوی ءَ سعودی عرب ءِ کنگ فہد سیکورٹی کالج ءِ تر ءُ تاب کتگ، آئی ءَ کالج ءِ ماسٹر پروگرام ءُ 5سالی اسٹریٹجک منصوبہ ءِ توسیپ کتگ ءُ ادارگ ءِ ڈائریکٹر جنرل ڈائریکٹر کنگ فہد ءِ کوشست آناں ساڑاتگ۔ سیکورٹی کالج ءِ میجر جنرل ڈاکٹر علی الداج ءَ بنجاھی وزیر داخلہ محسن نقوی ءَ را وش اتک کت وزیر داخلہ محسن نقوی ءَ کنگ فہد سیکورٹی کالج ءِ جتا جتائیں محکمہ آنی تر ءُ تاب کت۔ تعلیم ءِ نوکیں کوالٹی ءِ ستا کرتگ۔ محسن نقوی ءَ کنگ فہد سیکورٹی کالج ءِ ڈائریکٹر جنرل ڈاکٹر علی الدیج ءَ گوں گند ءُ نند کتگ ات، ایشی ءِ تہا آہاں تبادلہ پروگرام ءِ چیر دستی ءَ دوئیں ملک آنی گریجویٹ آنی واستہ اسٹڈی ٹور ءُ ٹریننگ ءِ کنگ ءِ بابت ءَ گپ ءُ تران کتگ ات۔ آئی ءَ کنگ فہد سیکورٹی کالج ءَ چہ ماسٹر ڈگری ءِ گریجویٹ آناں ایکسچینج پروگرام ءِ چیر دستی ءَ وانگ ءُ زانگ ءِ تر ءُ تاب ءِ واستہ پاکستان ءَ آھگ ءِ دعوت دات۔ تہی کارانی وزیر محسن نقوی ءَ گوشت کہ کنگ فہد سیکورٹی کالج بے شک ءَ جدید ترین ادارگ انت۔ محسن نقوی ءَ کالج ءَ جوڑ بوتگیں فرانزک سائنس انسٹی ٹیوٹ ءِ ھم تر ءُ تاب کتگ ات کہ اودا آئی ءَ را کالج ءِ کار ءُ کرد ءِ بابت ءَ سرجمیں بریفنگ دیگ بوتگ ات۔ وزیر داخلہ ءَ را گوشگ بوت کہ کنگ فہد سیکورٹی کالج ءَ آرٹیفیشل انٹیلی جنس۔ لیڈر شپ مینجمنٹ ءُ سیکورٹی ایپلی کیشنز ءِ تہا ماسٹر ڈگری کنگ فہد سیکورٹی کالج ءَ ہم میاں اوستمانی یونیورسٹی آں سیکورٹی اسکالرشپ پیش کنگ بیت۔
