اسلام آباد۔17دسمبر (اے پی پی):بنجاھی وزیر تجارت جام کمال خان ءَ سئے شمبے ءِ روچ ءَ کابینہ کمیٹی ءِ دیوان ءِ سروکی کت کہ ایشی ءِ تہ ءَ گندم، کھاد ءُ شکر ءَ ھوار سرکاری شعبہ ءِ درآمدات ءِ 60درسد گوادر دکہ ءَ چہ روگ ءِ منصوبگ بوتگ۔ زانگ بیت. وزارت تجارت ءِ برجاھیں جار ءِ رد ءَ گند ءُ نند ءَ بنجاھی وزیر ءِ دریائی امور قیصر احمد شیخ ، وزارت تجارت ، دریائی امور ، داخلہ ءُ منصوبہ بندی ءِ بھر زوری بوتگ۔ دیوان ءِ مول ءُ مراد گوادر دکہ ءَ چہ کارمردی ءَ را دیمروئی دیگ ءِ واستہ اسٹریٹجک منصوبگ جوڑ کنگ بوتگ ات، کمیٹی ءَ استیں منصوبگ آنی سر ءَ پیشرفت ءِ چار ءُ تپاسی کت ءُ گوادر دکہ ءَ چہ کارمردی ءَ را گیش کنگ ءِ واستہ روڈ میپ ءِ سر ءَ ھیال ریچی کنگ بوت۔ کمیٹی ءَ گوادر ءَ را یک مزنیں تجارتی مرکز ءِ رنگ ءَ دیمروئی ءِ پیشرفت ءِ چار ءُ تپاسی ءِ واستہ ماہانہ دیوان برجم دارگ ءُ کابینہ ءَ را رپورٹ پیش کنگ ءِ پیسلہ کنگ بوتگ۔ وزیر تجارت جام کمال خان ءَ دو نکاتی حکمت عملی ءِ تجویز پیش کتگ کہ ایشی ءِ تہا آئی ءَ گوادر ءَ را راجی تجارتی نظام ءِ تہا یکجا کنگ ءِ ضلورت ءِ سرا زور داتگ ءُ کاروباری ماحول ءَ را سازگار جوڑ کنگ ءِ ھاتر ءَ ٹھوس گامگیج زورگ ءِ ضلورت ءِ سرا زور داتگ ) سرکاری شعبہ ءِ درآمدات ءِ وڑیں زوتیں موہ آناں چہ پائدگ چست کنگ ءِ تجویز داتگ۔ دیوان ءَ کنٹینر ءِ تہ ءَ درآمد ءُ برآمد ءِ امکانات آنی سر ءَ ھم چار ءُ تپاسی کنگ بوت، باسک آں سامان آنی پجاری ءُ گوادر دکہ ءَ گوں تجارت ءَ را یکجا کنگ ءِ واستہ پرائیویٹ سیکٹر ءِ واستہ المی ئیں ترغیب پجاری ءِ سر ءَ زور پر دات۔ اوگانستان ءُ میاں اوستمانی ملک آنی واستہ گوادر دکہ ءِ ٹرانس شپمنٹ ءُ ٹرانزٹ ءِ توانائی ءِ سر ءَ ھم چار ءُ تپاسی کنگ بوت۔ کمیٹی ءَ جاری ٹرانس شپمنٹ منصوبگ آنی پیشرفت ءِ سر ءَ چار ءُ تپاسی کت ءُ ’’یک بیلٹ یک روڈ‘‘ ءِ چیر دستی ءَ چین ءِ گوادر دکہ ءِ کارمردی ءِ سر ءَ گپ ءُ تران کت۔ کمیٹی ءَ کراچی ءُ گوادر ءِ نیام ءَ ھرچ ءُ درچ ءِ فرق ءَ را بند کنگ ءِ ضلورت ءِ سر ءَ زور پر دات تانکہ مقابلہ ءَ را دل یکیمی کنگ بہ بیت ھاسیں رنگ ءَ حکومت ءَ چہ حکومت (جی ٹو جی) ءِ کنٹریکٹ آنی تہ ءَ۔ ایشی ءَ ابید بنگلہ دیش ءِ گوما بوتگیں معاہدہ ءُ آہانی مالی کمک ءِ نظام ءِ سرا ہم گپ ءُ تران کنگ بوتگ۔ گوادر دکہ ءِ واستہ کاروباری دوستیں چاگرد ءَ را گہتر کنگ ءِ واستہ وزارت ءُ محکمہ آنی نیمگ ءَ چہ زیر التواء پسو آنی تفصیل آنی ھم لوٹ کنگ بوتگ۔ گند ءُ نند ءَ محکمہ ءِ کونسل آنی رسد ءِ ماہرین آنی گوما گیش کمک کنگ ءِ سر ءَ زور پر دیگ بوت۔ کمیٹی ءَ گوادر دکہ ءِ کارمردی ءَ را گیش کنگ ءِ ھاترا بلک کارگو ءِ دیمروئی ءِ ھاترا گامگیج آنی سر ءَ ھیال ریچی کت یک کارگس ءِ تہ ءَ سڑک ءُ ریل ءِ رابطہ، انشورنس ءِ آسراتی ءُ سیکورٹی ءِ بندوبست ءُ کارروائی ءِ سوج آناں مزن وزیر ءِ دیم ءَ را پیش کنگ بیت۔ کابینہ کمیٹی ءَ گوادر دکہ ءَ را پاکستان ءِ بیپار ءُ رسد ءِ نظام ءِ بنیات ءِ سنگ جوڑ کنگ ءِ جزم ءِ پدا زور دات۔
