اسلام آباد۔17دسمبر (اے پی پی):صدر آصف علی زرداری ءَ پاکستان ءُ متحدہ عرب امارات ءِ نیام ءَ سیادی ءَ را ’’مذہب، بھروسہ ءُ یکے دومی ءِ احترام‘‘ ءِ بنیات ءَ مھکمیں سیادی لیک اتگ ءُ ایشی ءَ را گیش مھکم کنگ ءِ لوٹ کتگ آئی ءَ یک مراگشے ءَ گوں تران کنگ ءَ ات۔ امارات ءِ 53می راجی روچ “عید الاتحاد” ءِ موہ ءَ سئے شمبے ءِ روچ ءَ اسلام آباد ءَ برجم دارگ بوتگ۔ مراگش ءَ مزن وزیر محمد شہباز شریف، پاکستان ءَ امارات ءِ سفیر حمد عبید ابراہیم سالم الزبی، سفارتی براتی ءِ باسک ءُ سرکاری کارندہ آنی بھر زوری ءَ مراگش ءَ گوں گشتانک دیان ءَ صدر ءَ گوشت کہ پاکستان ءُ امارات ءِ نیام ءَ انفارمیشن ٹیکنالوجی ءِ تہ ءَ کمک کنگ ءَ انت۔ قابل تجدید توانائی، زراعت ءُ سیل ءُ سواد ءِ وڑیں کلیدی شوبگ آنی تہ ءَ کمک ءَ را گیش کنگ ءِ واھشت مند اِنت۔ آئی ءَ امارات ءِ کاروباری ادارگ آناں پاکستان ءِ معیشت ءِ تہ ءَ سرمایہ کاری ءِ دعوت دات، ایشی ءِ تہ ءَ پاکستان اسٹاک ایکسچینج، قابل تجدید توانائی ءُ موہ آناں پُریں ایندگر شوبگ ھوار اَنت، چیا کہ ملک ءَ سرمایہ کاری دوستیں چاگرد ءِ پیشکش کنگ بیت، صدر ءِ مملکت ءَ گوشت کہ پاکستان ءُ امارات ءِ سیادی یک معتبریں اسٹریٹجک ءِ تہ ءَ دیمروئی کتگ۔ شراکت داری کہ سیاسی، معاشی ءُ چاگردی جہتاں ھوار کنت۔ آئی ءَ گوشت کہ امارات پاکستان ءِ ھاسیں اقتصادی شریک آنی تہ ءَ یک مزنیں سرمایہ کار ءِ پاکستان ءِ اقتصادی گنجائش آنی سر ءَ بے دروریں کمک ءُ دل یکیمی ءِ درشان اِنت۔ آئی ءَ امیت سہرا کت کہ دو نیمگی کمک ءَ را گیش مھکم کنگ بیت راجدپتری سیادی آناں پدر کنان ءَ صدر ءِ مملکت ءَ گوشت کہ پاکستان امارات ءِ جوڑیشت ءَ چہ پیسر ھم آئی ءِ گوما سفارتی سیادی جوڑ کتگ۔ آئی ءَ پاکستان ءِ مشکلیں وھد ءَ مُدامی کمک ءِ پد ءَ امارات ءِ شگر ءُ منت گپت صدر ءِ مملکت ءَ امارات ءَ نندوکیں 1.8ملین پاکستانی آنی کرد ءَ را ھم ساڑات کہ آ دوئیں ملک آنی دیمروئی ءِ تہ ھاسیں کرد پیلو کنگ ءَ اَنت۔ آئی ءَ گوشت کہ اے راجی سیادی مئے ملک آنی نیام ءَ وت مہ وتی بھروسہ ءُ نیک راھی ءِ یک جوانیں درور انت مملکت ءِ صدر ءَ گوشت کہ امارات ءَ یکجائی ءَ پد بے دروریں پیشرفت کتگ ءُ تجارت، سرمایہ کاری ءُ سیل ءُ سواد ءِ واستہ جھان ءِ مرکز جوڑ بوتگ۔ آئی ءَ امارات ءِ وشھالی ءِ بنیات ایر کنگ ءِ ھاترا مرحوم شیخ زاید بن سلطان النہیان ءِ رھشونی ءَ را مھکمیں سیادی ءِ دیمروئی ءِ ھاترا یک رندے پدا عزم ءِ سر ءَ شگر ءُ منت گپت۔
