اسلام آباد۔17دسمبر (اے پی پی):مزن وزیر ءِ چاگردی کمکار رومینہ خورشید عالم ءَ پاکستان ءِ واستہ گیش تچکیں آیوکیں وھد ءِ دیمروئی ءِ واستہ ورلڈ بینک ءِ توسیپ کتگ۔ پاکستان ءِ واستہ ورلڈ بینک ءِ کنٹری ڈائریکٹر ناجی بنہاسین ءَ سئے شمبے ءِ روچ ءَ مزن وزیر ءِ موسمی مٹ ءُ بدل ءِ بابت ءَ کوآرڈینیٹر ءَ گوں گند ءُ نند کتگ ءُ وت مہ وتی واھند ءِ جتا جتائیں جیڈھ آنی سر ءَ ھیال ریچی کتگ۔ فریقین ءِ نیام ءَ مزن تک ءِ گند ءُ نند ءَ ملک ءَ گیش بوھوکیں موسمیاتی ھوپ ءُ موسمی مٹ ءُ بدلی ءَ چہ پیداکیں جیڈھ آنی گیواری ءِ واستہ کمک ءَ را گیش کنگ ءِ ترندیں ضلورت ءِ سر ءَ ھیال ریچی کنگ بوت۔ فریقین ءَ موسمیاتی خطرات ءِ آماچیں جتا جتائیں شوبگ آنی تہ ءَ قدرتی آفت آنی خطرات ءَ را کم کنگ ءِ واستہ یکجائی ءَ کار کنگ ءِ سر ءَ تپاک کت، ھاسیں رنگ ءَ کشت ءُ کشاری، آپ، توانائی، سیلاب ءِ آپ ءِ بندوبست۔ گند ءُ نند ءَ پاکستان ءِ دیم ءَ موسمی ھوالگ ءَ گیش بوھوکیں چیلنج آناں گیواری ءِ سر ءَ ھم دلگوشی دات۔ رومینہ خورشید عالم ءَ گوشت کہ پاکستان ءِ تہ ءَ موسمی بدلی ءِ شدیدیں آسراتی آنی تہ ءَ گیشیں تاوان ءِ آماچیں ملک آنی تہ ءَ ھوار اِنت اگاں چہ ایشی ءَ چہ جہانی گرین ہاؤس گیس ءِ کشگ ءِ تہ ءَ کم چہ کم بھر ءُ بانگ بوتگ ایشی ءَ چہ لاکھوں مردم بے لوگ بوتگ اَنت، فصل آناں تباہ بوتگ ءُ بنیاتی ڈھانچہ ءَ را سک باز تاوان رستگ۔ رومینہ خورشید عالم ءَ گوشت کہ شدیدیں درجہ حرارت ھاسیں رنگ ءَ جنوبی ءُ مشرقی دمگ آنی تہ ءَ جانی تاوان ءِ سبب جوڑ بوھگ ءَ انت، جان سلامتی ءِ ھترہ گیش بوھگ ءَ انت ءُ روچ مرزی زند ءَ را ھراب کنگ ءَ انت ورلڈ بینک ءِ کارندہ ءَ گوشت کہ ملک ءِ گیش بوھوکیں موسم ءِ سبب ءَ ھترہ آناں من اتگ ءُ تکنیکی ءُ مالی کمک ءِ پیشکش کتگ۔ ملک موسمیاتی خطرات ءِ ھلاپ ءَ تابکاری ءِ جوڑ کنگ ءَ انت۔ پاکستان ءِ موسمیاتی رسک مینجمنٹ ءِ نظام ءَ را مھکم کنگ ءِ واستہ کارروائی ءِ لائکیں حکمت عملی ءِ سر ءَ ھم تران کت، ایشی ءِ تہ ءَ آپ، کشت ءُ کشاری، توان ءُ فوڈ سیکیورٹی ءَ ھوار بازیں کلیدی شوبگ آنی سر ءَ دلگوشی دیگ بوت۔
