اسلام آباد۔17دسمبر (اے پی پی): کازکستان ءُ پاکستان ءِ نیام ءَ تجارت ءِ دیمروئی ءِ واستہ پروڈکٹ ءُ مشینری ءِ ڈسپلے سنٹر جوڑ کنگ ءِ پیسلہ کنگ بوتگ سئے شمبے ءِ روچ ءَ سرمایہ کاری ءُ نجکاری ءِ بورڈ ءِ نیمگ ءَ جاڑی بوتگیں بیان ءِ رد ءَ اے پیسلہ بنجاھی اِنت۔ پیسلہ ءِ رد ءَ سرمایہ کاری ءُ نجکاری ءِ وزیر بورڈ ءُ مواصلات عبدالعلیم خان ءَ دیوان ءِ سروکی کت ایشی ءِ تہ ءَ قزاقستان ءِ سفیر یرژان کستافن ءَ ھاسیں بھر زوری کت گوشت کہ پاکستان ءُ قزاقستان یکیں چھت ءِ چیر ءَ اَنت۔ آ کاروباری برادری ءَ را مزنیں کچے ءَ آسراتی ءِ پجارینگ ءُ آیوکیں 3سال آنی تہ ءَ دو نیمگی تجارت ءِ کساس ءَ را 100درسد گیش کنگ ءَ انت۔ آئی ءَ گوشت کہ جتا جتائیں شہر آنی تہ ءَ روگ ءِ بدل ءَ درملکی سرمایہ کار آنی ضلورت یکیں مرکز ءَ پیلو کنگ بنت۔ اے موہ ءِ سر ءَ کزاکستان ءِ سفیر ءَ پاکستان ءَ ڈسپلے سنٹر جوڑ کنگ ءِ تہ ءَ گہتری ءِ درشان کت ءُ سرجمی ءَ کمک ءِ دل یکیمی دات۔ گند ءُ نند ءِ تہ ٹیکسٹائل، سرجیکل سامان، لیب ءُ گوازی ءِ سامان، دستکاری، چمڑی ءِ چیز ءُ کشت ءُ کشاری ءِ سامان آنی نمائش کنگ ءِ پیسلہ کنگ بوتگ بنجاھی وزیر ءَ گوشت کہ پاکستان یک سال ءِ تہ ءَ کازکستان ءَ چہ وتی برآمدات ءَ را 20درسد گیش کنگ لوٹ ایت، میاں اوستمانی ایشیا ءِ دگہ ملک آں چہ۔ ملک یکجائی کاروباری حکمت عملی ءَ را ھم زور اَنت، پاکستان الماتی، باکو ءُ ایندگر مزنیں شہر آنی تہ ءَ وتی پروڈکٹ ڈسپلے سنٹر جوڑ کنت۔ عبدالعلیم خان ءَ گوشت کہ ھر ملک ءِ لوٹ ءِ رد ءَ اودا ڈسپلے سنٹر آنی واستہ پالیشی جوڑ کنگ بیت قزاقستان ءِ سفیر ءَ بنجاھی وزیر عبدالعلیم خان ءِ ھم منت واری ءِ درشان کت کہ آئی ءَ دو نیمگی کمک ءِ تہ ءَ گہتری ءِ درشانی کتگ۔ بنجاھی وزیر ءَ گوشت کہ ڈسپلے سنٹر ھما ھاسیں جاھاں جوڑ کنگ بنت کہ اودا کاروباری براتی ءَ را آسانی ءَ گوں رسگ بوت کنت۔
