اسلام آباد۔17دسمبر (اے پی پی):مزن وزیر محمد شہباز شریف ءَ ریکارڈ کرنٹ اکاؤنٹ سرپلس ءِ ھاترا دل یکیمی ءِ درشانی کت ءُ گوشت کہ 10 سال ءِ تہ ءَ اولی رند ءَ پاکستان ءِ کرنٹ اکاؤنٹ سرپلس نومبر 2024 ءَ 729 ملین امریکی ڈالر ءَ سر بیت۔ سئے شمبے ءِ روچ ءَ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ تہ ءَ مزن وزیر شہباز شریف ءَ گوشت کہ اسٹیٹ بینک آف پاکستان ءِ نیمگ ءَ پالیسی ءِ شرح ءِ تہ ءَ کمی، مہنگائی ءُ افراط زر ءِ تہ ءَ کم کم ءَ کمی ءُ کرنٹ اکاؤنٹ سرپلس ءِ تہ ءَ گیشی حکومت ءِ جوانیں اقتصادی پالیشی آنی ثبوت اَنت، کرنٹ اکاؤنٹ سرپلس ءِ تہ ءَ ریکارڈ گیشی ءَ چہ پاکستان ءِ بستار جھان ءِ اقتصادی مارکیٹ ءَ مھکم بیت آئی ءَ گوشت کہ کرنٹ اکاؤنٹ سرپلس ءَ چہ پاکستانی آناں کمک رسیت۔ معیشت ءَ چہ ملکی ءُ میاں اوستمانی سرمایہ کار آنی دلجمی ءَ را گیش کنگ بیت۔مزن وزیر ءَ وفاقی وزیر ءِ ھزانگ محمد اورنگزیب، ھزانگ ءِ وزیر ءِ مملکت علی پرویز ملک ءُ حکومت ءِ اقتصادی ٹیم ءَ را شگر ءُ منت درشان کت۔
