اسلام آباد۔17دسمبر (اے پی پی):مزن وزیر محمد شہباز شریف ءَ گوشت کہ مرکزی بینک ءِ نیمگ ءَ پالیسی ءِ شرح ءِ کمی ءَ چہ معیشت مھکم بیت، ملک ءَ سرمایہ کاری ءِ تہ ءَ گیشی حکومت ءِ اولی ترجی انت، معیشت ءِ دیمروئی ءَ گوں سیادی دار ایت۔ .جامع پروگرام زوت بندات کنگ بیت۔ سئے شمبے ءِ روچ ءَ وفاقی کابینہ ءِ دیوان ءَ گوں تران کنان ءَ مزن وزیر محمد شہباز شریف ءَ مسلم لیگ ءِ دیریں کارکن صدیق الفاروق ءِ ازمت آناں شگر ءُ منت گپت ءُ گوشت کہ آ مسلم لیگ ءُ نواز ءِ دیریں ھمکار بوتگ۔ شریف ءِ سرا ۔۔۔ مزن وزیر ءَ کابینہ ءِ دیوان ءَ نمیرانیں صدیق الفاروق ءِ واستہ معافی ءِ دعا کت۔ مزن وزیر ءَ کرک ضلع ءَ اینٹی پولیو ٹیم ءِ سر ءَ اُرش ءَ را المی لیک اِتگ کہ ایشی ءِ تہ ءَ پولیو ءِ یک کارندہے شھید بوتگ ءُ یک پولیو ءِ کارندہ ٹپیگ بوتگ۔ مزن وزیر ءَ گوشت کہ پاکستان ءُ اوگانستان ءَ ابید دگنیا ءَ چہ پولیو ءِ وائرس ھلاس بوتگ، پولیو ءِ ھلاسی ءِ واستہ اڑاند جوڑ کنگ اپسوز ءِ گپ انت۔ مزن وزیر ءَ اینٹی پولیو ءِ واستہ کار کنوکیں ٹیم آناں شگر ءُ منت گپت۔ دیوان ءَ پولیو ءِ شھیدیں کارندہانی واستا ھم دعا وانگ بوت۔ دیوان ءَ یونان ءَ لانچ ءِ وئیل ءَ ڈوب اتگیں پاکستانیانی واستہ ھم دعا لوٹائینگ بوت۔ مزن وزیر ءَ اے وئیل ءَ را دلپدردی ءِ رنگ ءَ پیش کنان ءَ گوشت کہ 2023 ءَ ھمے وڑیں بدبھتیں وئیل بوتگ کہ ایشی ءِ تہ ءَ 260مردم ڈوب اتگ اَنت کہ ایشی ءِ تہ ءَ گیشتر پاکستانی بوتگ اَنت۔ مزن وزیر ءَ گوشت کہ انسانی ٹریفکنگ یک مزنیں چیلنج ءِ انت، حکومت ءَ انسانی ٹریفکنگ ءِ گر ءُ دار ءِ واستہ ھاسیں ءُ سرجمیں پیسلہ کتگ ات۔ مزن وزیر ءَ گوشت کہ آ زوت سیادی داروکیں وزیر ءُ سیکرٹری آنی دیوان گوانک جنت ایشی ءِ تہ ءَ اے ھوالگ ءَ کتگیں پیسلہ آنی سر ءَ عمل درآمد ءِ سر ءَ چار ءُ تپاسی کنگ ءُ آیوکیں وھد ءِ واستہ حکمت عملی جوڑ کنگ بیت۔ مزن وزیر ءَ اسٹیٹ بینک ءِ نیمگ ءَ پالیسی ءِ شرح ءَ دگہ 2درسد کمی ءِ وش اتک کت ءُ گوشت کہ پالیسی ریٹ 22درسد ءَ چہ 13درسد ءَ اتکگ ایشی ءَ چہ کاروبار، صنعت، کشت ءُ کشاری، برآمد کنوک ءُ سرمایہ کار آناں فائدگ رسیت وش آتک، ایشی ءَ چہ مئے تہ ءَ گیشی بیت۔ پیداواری ءُ سرمایہ کاری ءِ حوصلہ افزائی ءُ مئے معیشت ءَ را استحکام دیگ ءِ جہد ءَ کنت۔ مزن وزیر ءَ 2018 ءَ پد افراط زر ءِ کم ترین تک ءِ ھاتر ءَ اللہ تعالیٰ ءِ منت گپت ءُ گوشت کہ نوں مئے واستہ جوانیں وھد اِنت کہ ما معیشت ءَ را مھکم بہ کن ایں، ملکی ءُ درملکی سرمایہ کاری ءَ را دیمروئی دیگ ءِ واستہ معیشت ءِ استحکام ءَ چہ پائدگ چست بہ کن ایں ، اے درگت ءَ مئے تیاری۔ سرجم بوتگ کہ زوت جار جنگ بیت۔
