اسلام آباد۔16دسمبر (اے پی پی): مزن وزیر محمد شہباز شریف 18دسمبر ءَ چہ 20دسمبر ءَ مصر ءِ سرکاری تر ءُ تاب ءَ کنت، آ قاہرہ ءَ برجم داشتگیں ہشت دیمروئی کنوکیں ملک آنی 11می سروک دیوان ءَ بہر زوریت۔ دو شمبے ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ سروکیں دیوان ءَ چہ پیسر 18دسمبر ءَ ڈی 8 کونسل آف منسٹرز ءِ بیست ءُ یکمی دیوان ءَ نائب مزن وزیر ءُ دری کارانی وزیر سینیٹر محمد اسحاق دار بھر زوری کنت۔ بیان ءِ رد ءَ 11می ڈی 8 سروک دیوان ءِ بنگپ ”ورنا آنی سرمایہ کاری ءُ ایس ایم ایز ءِ کمک: باندا ءِ کاروباری مردم آناں جوڑ کنگ“ اِنت۔ سروک دیوان ءَ مزن وزیر یک مھکمیں ءُ ھواریں معیشت ءِ جوڑ کنگ ءِ واستہ ورنا ءُ ایس ایم ایز ءِ تہ ءَ سرمایہ کاری، روزگار ءِ پیداک کنگ، نوآبادیاتی ءِ دیمروئی ءُ بنجاہی کاروباری ءِ دیمروئی ءِ سر ءَ زور پر دنت۔ آئی ءَ ڈی 8 آدرش آنی سر ءَ پاکستان ءِ مھکمیں جزم ءِ ھم درشان کنت، کشت ءُ کشاری، فوڈ سیکیورٹی ءُ انفراسٹرکچر ءِ تہ ءَ کمک ءَ را دیمروئی دنت تانکہ وت مہ وتی نپ ءُ وشھالی ءِ واستہ شریکداری ءَ را دیمروئی دنت۔ مزن وزیر ورنا آناں توانمند کنگ ءُ اقتصادی دیمروئی ءِ واستہ پاکستان ءِ واھشت ءِ سر ءَ ھم رژنائی ءِ شنگ کنت۔ آئی ءَ غزہ ءُ لبنان ءِ انسانی بحران ءُ میاں اوستمانی تک ءَ نوک جوڑیشت ءِ چیلنج آنی ھوالگ ءَ ڈی 8 ءِ ھاسیں دیوان ءَ ھم بھر زوری کنت۔ مزن وزیر فلسطین ءِ جاور ھال آنی سر ءَ پاکستان ءِ اصولی موقف ءَ را پدر کنت ءُ میاں اوستمانی دمگ ءَ امن ءِ سر ءَ زور پر دنت۔ سروک دیوان ءِ موہ ءَ مزن وزیر گند ءُ نند ءَ بھر زوروکیں سروک آنی گوما وت مہ وتی گند ءُ نند ءِ ھم امیت انت۔
