اسلام آباد۔16دسمبر (اے پی پی): سینیٹ ءِ چیئرمین سید یوسف رضا گیلانی ءَ گوشت کہ ٹیکنالوجی ءِ جوانیں کارمردی وشیں باندات ءِ ضمانت اِنت ءُ پاکستان ایشی ءِ نیمگ ءَ روگ ءَ اِنت ءُ سر بوھگ ءِ واستہ جزم اِنت۔ آئی ءَ اے ھیالانی درشانی دو شمبے ءِ روچ ءَ نیشنل براڈ بینڈ نیٹ ورک فورم 2024 ءِ مراگش ءَ گوں تران کنان ءَ کت۔ چیئرمین سینیٹ ءَ گوشت کہ ٹیکنالوجی ءِ جوانیں کارمردی وشیں آیوکیں وھد ءِ ضمانت اِنت ءُ پاکستان ایشی ءِ نیمگ ءَ روگ ءَ اِنت، ما ڈیجیٹل انفراسٹرکچر ءِ تہ ءَ گیشی ءُ شہری ءُ میتگ ءِ آبادی ءِ رابطہ ءِ رابطہ آناں رسائی ءِ واستہ جزم آں اے مئے جزم ءِ درشان اِنت۔ . آئی ءَ گوشت کہ براڈ بینڈ رابطہ، جھان ءِ اقتصادی ءُ کاروباری دیمروئی، چاگردی دیمروئی ءُ نوآبادیاتی، جان سلامتی، ایمنی، السی وشھالی ءُ زندمان ءِ واستہ المی اِنت، براڈ بینڈ ءِ سرجمیں شوبگ آنی تہ ءَ مرکزی جاہ اِنت۔ آئی ءَ گوشت کہ انگت ءَ لاکھوں مردم براڈ بینڈ ءِ آسراتی ءَ چہ زبھر اَنت، چیلنج آنی سر ءَ چہ دیم ءَ رؤگ ءِ واستہ یکجائی کوشست آنی ضلورت اِنت، ڈیجیٹل سروس ءَ را نوکیں لوٹ آنی رد ءَ ردوم دیگ ءِ واستہ پی ٹی اے ءِ کرد ستا کرز اِیت، اے درگت ءَ پبلک پرائیویٹ پارٹنر شپ ءِ ھاسیں ارزشت اِنت۔
