اسلام آباد۔16دسمبر (اے پی پی): صدر آصف علی زرداری ءَ خیبر پختونخوا ءِ ضلع کرک ءَ پولیو ءِ کارندہ آنی سر ءَ اُرش ءِ مذمت کتگ ءُ گوشت کہ ناشرکار پاکستان ءِ الس ءَ را جان سلامت ءُ وشھال گندگ نہ لوٹ اَنت کہ آ پولیو ءِ مہم ءَ سرگرم بہ بنت۔ دوشمبے ءِ روچ ءَ صدر ءِ گس ءِ پریس ونگ ءِ نیمگ ءَ جاڑی بوتگیں بیان ءِ رد ءَ مملکت ءِ صدر ءَ پولیو ٹیم ءِ سر ءَ اُرش ءَ سیکورٹی کارندہ آنی شہید بیگ ءِ سر ءَ اپسوز درشان کتگ ءُ گوشت کہ ناشرکار ملک ءِ آیوکیں باندات ءِ دژمن اَنت ۔ ءُ راج ءَ چہ وش ءُ وشحال گندگ نہ لوٹ اَنت۔ صدر ءِ مملکت ءَ پاکستان ءِ الس ءَ را پولیو ءِ مہم ءَ سرگرمی بھر زوری کنگ ءِ لوٹ کتگ۔ مملکت ءِ صدر ءَ گوشت کہ مردم آناں گوں دزبندی انت کہ آ وتی زھگاں پولیو ءِ ڈراپ بہ دنت۔ صدر آصف علی زرداری ءَ ملک ءَ چہ پولیو ءِ سرجمیں ھلاسی ءَ تاں کوشست آناں برجاہ دارگ ءِ جزم ءِ درشان کت۔
