اسلام آباد۔16دسمبر (اے پی پی): مزن وزیر محمد شہباز شریف ءَ خیبر پختونخوا ءِ ضلع کرک ءَ پولیو ءِ ھلاپ ءَ ناشرکارانی اُرش ءَ پولیس کارندہ ءِ شہید بوھگ ءِ سر ءَ اپسوز ءِ درشانی کنان ءَ گوشت کہ مئے سیکورٹی اُرد آنی نیمگ ءَ چہ ، پاکستان ءَ چہ پولیو ءِ ھلاسی ءِ قربانی بے سوب نہ بنت۔ دوشمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ ٹپیگ آناں ترندیں دوا درمان پجاری ءِ ہدایت کتگ ۔ مزن وزیر ءَ پولیو ءِ کارندہ آنی سر ءَ اُرش ءَ را پریشانی ءِ سبب لیک اِتگ ءُ گوشت کہ اے رنگیں کارروائی مئے حوصلہ ءَ را جہل کت نہ کنت۔ مزن وزیر ءَ گوشت کہ حکومت ملک ءَ چہ پولیو ءِ سرجمی ءَ ھلاسی ءُ پولیو ءِ کارکن آنی رکھینگ ءِ واستہ ھمک رنگ ءِ وسیلگ آناں کارمرد کنت۔
