اسلام آباد۔16دسمبر (اے پی پی): بنجاھی وزیر تجارت جام کمال خان ءَ جھل مگسی جیپ ریلی ءِ سوبمندیں مردمانی نیام ءَ انعام بھر ءُ بانگ کتگ۔ دو شمبے ءِ روچ ءَ وزارت تجارت ءِ نیمگ ءَ جاڑی بوتگیں بیان ءِ رد ءَ بنجاھی وزیر جام کمال ءَ وتی بیان ءَ گوشت کہ جھل مگسی ڈیزٹ جیپ چیلنج سوبمندیں رنگ ءَ آسر بوتگ ایشی ءَ چہ شائقین ءَ را دلچسپیں مقابلہ ءِ چارگ ءِ موہ رستگ۔ دوڑ ءِ تہ ءَ نواب زادہ جعفر خان مگسی ءَ جوانیں کارکردگی ءِ گوما اولی نمبر گپتگ، انیس خان مگسی ءَ دومی ءُ نواب زادہ نادر خان مگسی ءَ 170.5 کلومیٹر دراجیں ٹریک ءِ سر ءَ ریس ءَ بھر زرتگ۔ تلخیں سردی ءِ باوجود جھل مگسی جیپ ریلی ءِ چارگ ءِ ھاترا شائقین ءِ مزنیں کساسے اتکگ ات۔ جام کمال خان ءَ ریسرز ءِ کارکردگی ءِ توسیپ کنان ءَ آہاں راجی مڈی لیک اتگ۔ آئی ءَ گوشت کہ پاکستان ءَ موٹر اسپورٹس ءِ دیمروئی ءِ واستہ جھل مگسی جیپ ریلی ءَ مزنیں کردے پیلو کتگ۔ بنجاھی وزیر ءَ گوشت کہ سیکورٹی ءِ سکیں گامگیج آنی گوما مراگش سوبمندیں رنگ ءَ سرجم کنگ بوت۔ آئی ءَ گوشت کہ اے رنگیں مراگش دمگی ٹیلنٹ ءُ سیل ءُ سواد ءِ دیمروئی ءِ وسیلگ انت ءُ اے رنگیں مقابلہ باقاعدہ برجاہ بہ بنت۔
