اسلام آباد۔16 دسمبر (اے پی پی): صدر آصف علی زرداری ءَ گشتگ کہ اے پی ایس ءِ واکیہ ءِ وڑیں وئیل ناشرکار ءُ خوارج ءِ اصل دیم ءَ پدر کن انت، پاکستانی راج کدی ناشرکاراں وتی بدیں نیتانی تہا سوبمند بوہگ ءِ موہ نہ دنت 16 دسمبر ءِ غمناکیں روچ ءَ۔ ، 2014 ءَ ناشرکاراں مئے زھگ ءُ مئے راج ءِ آیوکیں وھد ءِ سر ءَ اُرش کتگ بے گناہیں زھگانی سر ءَ اُرش کنگ یک زھرناکیں ءُ بے انسانیت کنوکیں جرمے ۔ بیا اِت ناشرکاری ءِ ھلاسی ءِ واستہ عہد بہ کن اِت ءُ پرامن پاکستان ءِ واستہ کار بہ کن اِت گس ءِ مملکت ءِ پریس ونگ ءِ رد ءَ صدر آصف علی زرداری ءَ اے گپ آرمی پبلک اسکول پشاور ءِ سر ءَ اُرش ءِ دہ سالی روچ ءِ درگت ءَ وتی کلوہ ءِ تہ ءَ گوشت۔ صدر آصف علی زرداری ءَ گشتگ کہ 16 دسمبر 2014 ءِ غمناکیں روچ ءَ ناشرکاراں مئے زھگ ءُ راج ءِ آیوکیں وھد ءِ سر ءَ اُرش کتگ، مرچی ناشرکاراں بے گناھیں زھگاں ھوار شہری مردم بے دردی ءَ کُشتگ اَنت، ناشرکاراں استاد ءُ زھگ نشانگ جوڑ کتگ اَنت ۔ صدر ءِ مملکت ءَ گوشت کہ بے گناہیں زھگ آنی سر ءَ اُرش یک زھرناکیں ءُ بے انسانیت کنوکیں جرم اِنت اے پی ایس ءِ واکیہ ءَ چہ پدر اِنت کہ ناشرکار آنی ایجنڈا ملک ءَ آشوب ءُ بے رھبندی ءِ شنگ کنگ اِنت۔ آصف علی زرداری ءَ گوشت کہ 16 دسمبر ءَ مئے راج ءِ اجتماعی یات ءِ سر ءَ نا مٹیں نشان یلہ داتگ، مئے ھمدردی بے گناہیں جان ءِ کھول آنی گوما انت، اے روچ مارا ناشرکاری ءِ ھلاپ ءَ جنگ ءَ وتی راج ءِ قربانی آنی یات ءَ دنت۔ صدر ءِ مملکت ءَ گوشت کہ اے پی ایس ءِ اُرش مئے زھگ، مئے آیوکیں باندات ءُ مئے ھست بوھگ ءِ سر ءَ اُرش بوتگ اے پی ایس ءِ واکیہ ءِ وڑیں وئیل ناشرکار ءُ خوارج ءِ راستیں دیم ءَ پدر کن اَنت۔ صدر آصف علی زرداری ءَ گوشت کہ پاکستان ءِ راج ناشرکار آناں وتی نا شریں عزائم آنی تہ ءَ سوبمند بوھگ ءِ موہ کدی نہ دنت، اے پی ایس ءِ واکیہ ءَ مارا ناشرکاری ءِ ھلاپ ءَ یک راج ءِ رنگ ءَ یکجا کتگ۔ صدر ءِ مملکت ءَ گوشت کہ راجدپتر اے گپ ءِ گواہ اِنت کہ پاکستانی راج مشکل ءِ دیمپانی ءَ دلپروش نہ بیت، اے روچ مارا ناشرکاری ءِ ھلاپ ءَ یکجائی بوھگ ءِ یات ءَ دنت ءُ اے راکشس ءِ سرجمیں ھلاسی ءِ واستہ کوشست آناں ترند کنگ بیت۔ صدر ءِ مملکت ءَ گوشت کہ ناشرکاری ءِ ھلاپ ءَ جنگ ءَ پاکستان ءِ سیاسی سروکی ءَ ھم قربانی داتگ، مرچی ما ناشرکاری ءِ ھلاپ ءَ وتی بہادریں سپاھیگ، کانود نافذ کنوکیں ادارگ ءُ عام شہری آنی قربانی ءَ را شرپ دیان آں۔ صدر ءِ مملکت ءَ گوشت کہ آ وتی زھگ، سروک ءُ شہری آنی قربانی ءَ را بے سوب ءَ یلہ نہ دنت کوشست المی انت۔ صدر ءِ مملکت ءَ اے گپ ءِ سر ءَ زور پر دات کہ بیا اِت ما ناشرکاری ءِ ھلاسی ءِ واستہ عہد بہ کن ایں ءُ پرامن پاکستان ءِ واستہ کار کن ایں OAB,03:21
